بەيجىڭ اۋەجايىن تۇمشالاعان تۇتىنگە بايلانىستى 226 رەيس كەيىنگە شەگەرىلدى
الايدا ماسكەۋگە باعىت العان «اەروفلوت» تاڭعى رەيسىنىڭ ءبىرى ءبىر ساعاتقا كەشىكتىرىلگەنى بولماسا رەسەيلىك ۇشاقتاردىڭ ۇشۋىنا ەش كەدەرگى بولعان جوق.
قازىرگى تاڭدا بەيجىڭ قالاسىنداعى اۋا قۇرامىنداعى زياندى زاتتار شەكتىك شامادان تىس اسىپ، ءار تەكشە مەترىنە 500 ميكروگرامعا ال كولەمى 2,5 ميكرونعا جەتكەن.
وسى جاعدايعا بايلانىستى ەل استاناسىندا «كۇلگىن» («قىزىلدان» كەيىنگى ەكىنشى جاعداي) دەڭگەيلى ەكولوگيالىق قاۋىپ ءتونىپ تۇر. قالا تۇرعىندارىنا كوشەگە شىقپاۋعا، شىققان جاعدايدا ارنايى ماسكا مەن تىنىس الۋ مۇشەلەرىن ۋلى گازدان ساقتايتىن قۇرىلعىلار پايدالانۋعا كەڭەس بەرىلىپ وتىر. سونداي-اق بالالاردى تازا اۋاعا سەرۋەنگە الىپ شىعۋعا دا تىيىم سالىندى.
قىتايداعى مۇنداي ەكولوگيالىق كەلەڭسىز جاعدايعا جىلۋ-ەلەكتر ستانسالارىنان شىققان ءتۇتىن مەن اۆتوكولىك گازدارى سەبەپ بولىپ وتىر.
