اسكەري بولىمدەگى جارىلىس: تارازدا 221 ادام ارنايى جاتىن ورىندارمەن قامتاماسىز ەتىلدى
ءوڭىردىڭ توتەنشە جاعدايلار، قۇقىق قورعاۋ جانە مەديتسينا سالاسىنىڭ وكىلدەرى بارىنشا جۇمىلدىرىلدى. اتالمىش ماسەلەگە بايلانىستى قانداي دا ءبىر تۋىنداعان سۇراقتار ءۇشىن:
- 109 تەلەفون ءنومىرى؛ - 87788109109 ۆاتساپ جەلىسى ارنايى ىسكە قوسىلدى. سونىمەن قاتار، - 87262514167 تەلەفون ءنومىرى ارقىلى جەدەل جەلىگە حابارلاسۋعا بولادى.
اپات بولعا اۋماقتان ەۆاكۋاتسيالانعان تۇرعىندارعا ارنالىپ، وبلىس ورتالىعىنان 400 دەن استام ورىن دايىندالعان. قوسىمشا 1000 عا جۋىق ورىن دايىنداۋ مۇمكىندىگى قاراستىرىلعان. ونىڭ ىشىندە تاراز قالاسىندا 221 ادام ارنايى جاساقتالعان جاتىن ورىندارمەن قامتاماسىز ەتىلگەن. ال جۋالى اۋدانى ب. مومىش ۇلى ات. اۋىلدا 18 ادام ءتيىستى ورىندارعا ورنالاستىرىلدى. سونىمەن قاتار، جۇرتشىلىقتان جانە ب ا ق وكىلدەرىنەن تەك قانا رەسمي تۇردە جەدەل شتاب تاراپىنان ۇسىنىلاتىن اقپاراتتى نازارعا الۋدى سۇرايمىز.
«اتالمىش جاعداي ورىن العان اۋماقتا جامبىل وبلىسىنىڭ باسشىسى ب. ساپاربايەۆ، ەلىمىزدىڭ قورعانىس ءمينيسترى ن. ەرمەكبايەۆ پەن توتەنشە جاعدايلار ءمينيسترى يۋ. يلين قادامدار جوسپارىن پىسىقتاۋدا»، - دەلىنگەن حابارلامادا.
ايتا كەتەيىك، كەشە ساعات شامامەن 19:00 دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جارىلىس بولدى.