وباما اكىمشىلىگى جۇمىستىڭ سوڭعى ساعاتتارىندا پالەستيناعا 221 ميلليون دوللار اۋدارعان
بۇعان ا ق ش كونگرەسىندەگى رەسپۋبليكالىق پارتيا ۇزاق ۋاقىت بويى قارسى بولىپ كەلگەن ەدى.
بۇل تۋرالى دۇيسەنبى كۇنى كەشكە Associated Press اگەنتتىگى دەرەككوزگە سىلتەمە جاساپ حابارلادى. ونىڭ مالىمەتىنشە، وباما اكىمشىلىگى كونگرەستى بۇل نيەتتەرى تۋرالى 20 -قاڭتار كۇنى تاڭەرتەڭ، دونالد ترامپتىڭ ا ق ش پرەزيدەنتى لاۋازىمىنا رەسمي كىرىسەردەن بىرنەشە ساعات بۇرىن حات جۇزىندە حاباردار ەتكەن.
ا ق ش مەمحاتشىسى دجون كەرري زاڭناماشىلارعا اكىمشىلىكتىڭ قابىلداعان شەشىمى تۋرالى ءبىر كۇن بۇرىن جاريا ەتكەن. وباما اكىمشىلىگى پالەستيناعا اۋدارىلعان قارجىعا قوسىمشا سىرتقى ساياساتتاعى شىعىندارعا - 6 ميلليون دوللار ءبولدى. ونىڭ 4 ميلليون دوللارى كليماتتى وزگەرتۋ باعدارلامالارىنا، 1,25 ميلليون دوللارى ب ۇ ۇ قامقورلىعىنداعى ۇيىمداردىڭ قاجەتتىلىگىنە، سونداي-اق 1,05 ميلليون دوللارى اۋعانستان مەن پاكىستان، سونداي-اق وڭتۇستىك جانە ورتالىق ازيا بيۋروسى ىستەرى جونىندەگى مەملەكەتتىك دەپارتامەنتتىڭ ارنايى وكىلىنىڭ قىزمەتىن قارجىلاندىرۋعا باعىتتالعان. وبامانىڭ مۇنداي شەشىمى كونگرەستىڭ كەيبىر مۇشەلەرىنىڭ، سونداي-اق ترامپ پەن ونىڭ اينالاسىنداعىلاردىڭ جاعىمسىز رەاكسياسىن تۋعىزۋى مۇمكىن، دەپ اتاپ وتەدى اگەنتتىك.
