20:27, 16 - مامىر 2023 | GMT +5
قازاق- قىرعىز شەكاراسىنان 220 سمارتفوندى زاڭسىز وتكىزبەك بولعان ازامات ۇستالدى
قورداي. قازاقپارات - شەكارا بەكەتىندەگى تەكسەرۋ كەزىندە قىرعىزستاننان قازاقستانعا كەلە جاتقان ازاماتتىڭ كولىگىنەن قۇجاتسىز سمارتفوندار تابىلدى، دەپ حابارلايدى قازاقپارات.
7- مامىردا ۇ ق ك شەكارا قىزمەتى جامبىل وبلىسى بويىنشا دەپارتامەنتى «قورداي» وتكىزۋ پۋنكتىندە قازاقستانعا كەلە جاتقان ق ر ازاماتى تىزگىندەگەن جولاۋشىلار ميكرواۆتوبۋسىن توقتاتتى.
اۆتوكولىكتى تەكسەرۋ بارىسىندا قۇپيا ورىندا جاسىرىلعان ىلەسپە قۇجاتتارى جوق 220 سمارتفون تابىلدى.
الدىن الا مالىمەت بويىنشا تاركىلەگەن موبيلدىك قۇرىلعىلاردىڭ باعاسى - 50 ميلليون تەڭگە شاماسىندا.
ۇستالعان ق ر ازاماتى مەن تاركىلەنگەن جۇك پروتسەسسۋالدىق شەشىم قابىلداۋ ءۇشىن ايماقتىق مەملەكەتتىك كىرىستەر دەپارتامەنتىنە بەرىلدى.
