16:54, 30 - ماۋسىم 2015 | GMT +6
رامازان ايىندا 220 شەتەلدىك يسلام ءدىنىن قابىلدادى
استانا. قازاقپارات - ساۋد ارابياسىندا جۇرگەن 220 فيليپپيندىك رامازان ايىنداعى مۇسىلمانداردىڭ مەيىرىمدىلىگى مەن قوناقجايلىعىنا ءتانتى بولىپ، يسلام ءدىنىن قابىلداپ، مۇسىلمان اتاندى.
«ولار بىرنەشە كۇن بويى اۋىزاشارعا كەلىپ ءجۇردى. سوسىن ءبىز ولاردى يسلام ءدىنىن قابىلداۋعا شاقىردىق. ولار بىردەن كەلىستى» ، - دەيدى مەككە قالاسى بويىنشا ءدىن ناسيحاتى باسقارماسىنىڭ ديرەكتورى، شەيح ساليم ءال- مابادي.
ساۋد ارابياسىندا رامازان ايى كەزىندە اۋقىمدى اۋىزاشار داستارحانىن جايىپ، شەتەلدىك قوناقتاردى شاقىرۋ ءۇردىسى كەڭىنەن تارالعان. ايتا كەتەيىك، وتكەن اپتادا ەر- رياد قالاسىندا فيليپپيندىك 20 دارىگەر تاراۋيح نامازىنان سوڭ يسلام ءدىنىن قابىلداعان بولاتىن.
