قىتاي ازاماتى شەكسپيرگە ۇقساۋ ءۇشىن 220 مىڭ دوللارىن سارپ ەتتى
چجان يۋي بەتىنە 10 پلاستيكالىق وپەراتسيا جاساتىپ، 220 مىڭ دوللار قارجىسىن جەلگە شاشقان. دارىگەرلەر كليەنتتىڭ كوز قيىعىن بىرنەشە اي بويى تۇزەتىپ، قاباعىنىڭ، مۇرنىنىڭ جانە يەگىنىڭ ءپىشىنىن وزگەرتكەن. الايدا، چجان يۋي شەكسپير سەكىلدى تازىباس بولۋعا اسىعار ەمەس. ەسەسىنە، ول قازىر ساقال-مۇرتىن ءوسىرۋدى قولعا الا باستادى.
قىتاي جۇرتشىلىعىنىڭ ءبىر بولىگى جازۋشىنىڭ بۇل ءىسىن اقىماقتىققا بالاسا، ەندى ءبىرى «اقشا وزىنىكى، نە ىستەسە دە ءوزى ءبىلسىن» دەيدى. جۇرت نە دەسە دە، چجان يۋي شەكسپيرگە ۇقساۋ ءۇشىن قانشا اقشا بولسا دا جۇمساۋعا ءازىر ەكەنىن ايتادى.
ونىڭ ايتۋىنشا، شەكسپير مەن ونىڭ اراسىندا كوپ ۇقساستىق بار. بىرىنشىدەن، شەكسپير دە چجان يۋي دە كەدەي وتباسىدان شىعىپ، ەكەۋى ءوز كىتاپتارىنىڭ ارقاسىندا اياققا تۇرعان. قازىر چجان يۋي ق ح ر- داعى ەڭ جاس ايگىلى جازۋشىلاردىڭ قاتارىندا.
