قاراعاندى وبلىسىندا سۋ تاسقىنىنان زارداپ شەككەن ءبىرقاتار ەلدى مەكەندەرگە 220,5 ميلليون وتەماقى تولەندى

قاراعاندى. قازاقپارات - قاراعاندى وبلىسىندا سۋ تاسقىنىنان زارداپ شەككەندەرگە وتەماقى تولەۋ باستالدى، قازىرگى ۋاقىتتا سوماسى 220,5 ميلليون تەڭگە شىعىننىڭ ورنى تولتىرىلدى، دەپ حابارلادى وبلىس اكىمىنىڭ باسپا ءسوز قىزمەتىنەن.

«باعالاۋ كومپانيالارى سۋ تاسقىنى كەلتىرگەن مۇلىك شىعىنىنىڭ مولشەرىن انىقتاۋ جۇمىستارىن جۇرگىزدى، 2015-جىلعى 12- مامىرداعى جاعداي بويىنشا وبلىستا شىعىننىڭ ورنىن تولتىرۋ بويىنشا 1740 ادامنان ءوتىنىش كەلىپ ءتۇستى، ولاردىڭ 1069 ى باعالاۋ ەسەبىن الدى، ەندى 671 قورىتىندى الىنباق»، - دەلىنگەن حابارلامادا.

قاراعاندى وبلىسى اكىمىنىڭ رەزەرۆىندە جالپى سوماسى 1 ميلليارد تەڭگە قاراجات كوزدەلدى.

«12- مامىردا زارداپ شەككەندەرگە جالپى سوماسى 220,5 ميلليون تەڭگە تولەندى. ساران، اباي، شەت، ۇلىتاۋ، جاڭاارقا اۋداندارىندا تولەم تولىقتاي جۇرگىزىلدى، بۇقار جىراۋ اۋدانىندا وتەماقى ءىشىنارا تولەندى»، - دەپ كورسەتىلگەن حابارلامادا.