قازاقستانعا كەلگەن 22 مىڭ رەسەيلىكتىڭ 72 پايىزى قىزمەت كورسەتۋ سالاسىندا جۇمىس ىستەۋدە
استانا. قازاقپارات - قازاقستاندا 22 مىڭ رەسەيلىك زەنەتاقى جارناسىن اۋدارىپ، جۇمىس ىستەپ ءجۇر. بۇل تۋرالى ۇكىمەت وتىرىسىندا ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتتى، دەپ حابارلايدى قازاقپارات ءتىلشىسى.
«رەسەي ازاماتتارىنا توقتالساق، زەينەتاقى جارناسى ءتۇسىپ جاتقان ادامداردى عانا جۇمىس ىستەيدى دەپ سانايمىز. قازىر 22 مىڭ رەسەيلىك زەنەتاقى جارناسىن اۋدارىپ جاتىر. سونىڭ ىشىندە بيىلدىڭ باسىنان بەرى 8 مىڭعا جۋىعى جۇمىسقا تۇرعان»، - دەدى ت. دۇيسەنوۆا ۇكىمەت وتىرىسىنان كەيىن تىلشىلەر ساۋالىنا جاۋاپ بەرە وتىرىپ.
ونىڭ ايتۋىنشا، 22 مىڭ رەسەيلىكتىڭ %72 قىزمەت كورسەتۋ سالاسىندا جۇمىس ىستەپ ءجۇر.
«قالعان 16 پايىزى ونەركاسىپتە بولسا، 9 پايىزى قۇرىلىستا جانە 2 پايىزى اۋىل شارۋاشىلىعىندا قىزمەت ەتىپ ءجۇر. وسى ورايدا ولار نەگىزىنەن كليەنتتەرمەن جۇمىس ىستەيتىن مەنەدجەر، بۋحالتەر، ساتۋشى سياقتى جۇمىستاردى تاڭداعان»، - مينيستر.
بۇدان بۇرىن حابارلانعانداي، بيىل 9 ايدا 654 مىڭعا جۋىق ادام جۇمىسقا ورنالاستى.
اۆتور
رۋسلان عابباسوۆ
