شىمكەنتتىك 22 جاستاعى بويجەتكەن 60 تاعى شالدىڭ ءۇشىنشى ايەلى اتاندى
ايگەرىمنىڭ ءوزى بولسا، بۇگىندە شىمكەنتتەگى مەيرامحانالاردىڭ ءبىرىنىڭ باسقارۋشىسى دەپ حابارلايدى NUR. KZ پورتالى.
ايگەرىم (ەسىمى وزگەرتىلگەن) NUR. KZ پورتالىمەن كەزدەسۋگە ءبىر اي بويى دايىندالدى-كەزدەسۋ تۋرالى كۇيەۋى ءبىلىپ قويادى دەگەن قورقىنىش باسىم بولعان. دەگەنمەن بويجەتكەن اقىرى ءوز باسىنان وتكەرگەن جايتتاردى تىلشىگە بايانداپ بەردى.
ەكىنشى ەمەس، ءۇشىنشىسىمىن
«مەن مەيرامحاناعا جۇمىسقا تۇرعانىمدا 20 جاستا بولدىم. باستاپقىدا مەن ونى بايقاعان دا ەمەسپىن، ديرەكتورىمىز ەكەنىن دە بىلمەدىم. ىدىس جۋۋشى ەدىم. كەيىن ماعان داياشى قىزمەتىن ۇسىندى. سول كەزدە تانىستىق.
ول قاشان دا مەيرامحاناعا وتباسىمەن كەلەتىن؛ ايەلىنە قاراساڭ قاشان دا جاقتىرماي، كوڭىل-كۇيسىز وتىرادى. باستىعىم كوڭىل بىلدىرە باستاعاندا، ماعان قارىنداسىنداي قارايدى دەپ ويلاعان ەدىم. الايدا ءبارى باسقاشا بولىپ شىقتى. ءبىز ارالاسا باستادىق. ول ماعان سىپايىلىق تانىتىپ، مەيرامحانا باسقارۋشىسى قىزمەتىن بەردى. بۇل ماعان ۇنايتىن. ومىرىمدە بولماعان اكەمنىڭ ورنىن باسقانداي بولدى.
ءبىر كۇنى ول ماعان «مەنىڭ ەركە قىزىم» دەگەن سوزدەرمەن حابارلاما جىبەردى. مەن شاتاسىپ كەتكەن بولار دەپ ويلادىم. الايدا ول وعان ۇنايتىنىمدى بايقاتا باستادى. ءبىر كۇنى كافەگە ايەلى باسا كوكتەپ كىرىپ، جازىسقان حابارلامالارىمىزدى كورسەتتى. قول كوتەرىپ، قارامدى باتىرۋدى بۇيىردى. باعىنۋعا ءماجبۇر بولدىم. ءبارىن ۇمىتۋدان ءۇمىتتى ەدىم.
الايدا ءبىر اپتا وتكەسىن ونىڭ جۇرگىزۋشىسى ماعان كەلىپ، ونىمەن ەرىپ بارۋىمدى سۇرادى. ءبىز ۇزاق سويلەستىك. باستىعىم ماعان ونىڭ توقالى بولۋدى ۇسىندى. مەن ونى كارى اقىماق دەپ اتاپ، جونىمەن جىبەردىم. ءبىر اي ءوتتى. ءبىز مەشىتتە نەكەمىزدى قيدىردىق. مەن ونىڭ ءۇشىنشى ايەلى ەكەنىمدى ءبىر اپتادان كەيىن ءبىلدىم. ەكىنشى ايەلىنىڭ وزىنەن ءبىلدىم.
ءۇي ءىشىم بۇل حاباردى ەستىپ، جانجال شىعاردى
ول مەنى تولىقتاي قاراجاتپەن قامتاماسىز ەتەدى. مەن ەكىنشى ايەلىمەن جاقسى ارالاسامىن. ول ماعان ۇيىمە ءجيى كەلىپ تۇرادى. ورتاق ۇلىمىز بار. ماعان ءبارى ۇنايدى، ول ءوزىن جاقسى كۇتىنەدى. 45 جاستاعى ازامات دەپ ويلاپ قالاسىڭ.
ارينە بىزدە رەسمي توي، قۇدالار دەگەن بولمادى. ءۇي-ءىشىم بۇل حاباردى ەستىپ، جانجال شىعاردى. اعام مەنىمەن سويلەسپەيتىن بولدى. ءبارى مەنىڭ ايماقتاعى بەلدى ادامنىڭ ايەلى ەكەنىمدى بىلەدى.
مەن توقال اتانىپ جۇرگەن وزگە قىزدارمەن ارالاسامىن. ءبىزدىڭ مەسسەندجەردە «و ق و توقالدارى» اتتى توپ بار. ول جەردە ەكىنشى، ءۇشىنشى ايەل اتانعاندار كوپ. مۇندا ءبارىنىڭ كوڭىلدەسى بار. بۇل دۇرىس ەمەس. ال ءبىز زاڭدى ايەلدەرىمىز. ءيا، جاسپىز، وتباسىنا قىستىرىلىپ كىرگەن ادامبىز، الايدا ءبىز وتباسىن بۇزعان ەمەسپىز. ءبارى رازى.
ءبىر كۇنى مەن استانادا بولىپ، اياق استى ءبىرىنشى ايەلىن كەزدەستىرىپ قالدىم. ول ماعان كەتۋىمدى سۇراعانىمەن، مەن كۇيەۋىمدى سۇيەتىنىمدى ايتىپ، باس تارتتىم. تۇسىنگەنىم بويىنشا، ول كۇيەۋىنىڭ مەنەن باسقا تاعى ءبىر ايەلى بارىن بىلمەيدى. ونى تۇسىنەمىن جانە ايايمىن. الايدا نە ىستەي الامىن؟ ال ونىڭ بالالارى مەن تۋرالى بىلەدى. ونىڭ ۇلكەن ۇلى مەنەن ەكى جاسقا ۇلكەن. ول مەنى كىشى ماما دەپ اتايدى.
اقشاسىن سىپىرىپ الامىن دەپ ويلادىم
باستاپقىدا كۇيەۋىمدى سۇيمەدىم. تىرشىلىك ەتۋ ءۇشىن ودان اقشاسىن سىپىرىپ الىپ، قارامدى باتىرامىن دەپ ويلادىم. كەيىن ونىڭ جاقسى ادام ەكەنىن ءتۇسىندىم. ول ماعان پاتەر، كولىك ساتىپ الىپ بەردى. بالامنىڭ بار قاجەتىن الىپ بەرىپ وتىر. ول وتە اقىلدى ءارى ماعان سەنەدى. مەنىڭ مىنەزىم ناشار، ونىمەن ءجيى ۇرىسىپ قالامىن. الايدا ول سابىرلى.
جاقىندا ول ماعان «ۇناتپاساڭ اجىراسىپ كەتە الاسىڭ، بار دۇنيەڭ وزىڭدە قالادى» دەدى. سول كەزدە مەن قۇربىما ەشتەڭە الماستان، بالاممەن بىرگە كەتىپ قالدىم. ەكى اي بويى حابارسىز كەتتىم. كەيىن ول مەنى قايتىپ ورالۋعا كوندىردى. ەندى ءبىز جاقسى ءومىر سۇرۋدەمىز.
ول ماعان اپتاسىنا ءتورت رەت كەلىپ تۇرادى. كەي كەزدەرى جيىرەك. بىزدە تۇنەپ، ۇلىن الىپ كەتىپ وتىرادى. الايدا مەنىمەن قىدىرعان ەمەس، ونى مەن دە قالاعان ەمەسپىن. ءبىزدىڭ وتباسى ءمىنسىز ەمەستىگىن تۇسىنەمىن. الايدا بۇل تاعدىردى ءوزىم تاڭدادىم.
ۋاقىت وتە كەلە شەتەلگە كوشىپ كەتۋدى سۇراپ كورمەكشىمىن. ءوزى بىزگە ۇزاققا قوناققا كەلىپ تۇرسىن. مۇندا ءىشىم پىسىپ ءجۇر. جاقىندا سىنىپتاستارمەن كەزدەسۋدە بولدىم. ءبارى توقال ەكەنىمدى وسەكتەپ وتىرعانداي بولدى. ءبىر بىلەرىم، توقال دا ادام. ولار سەكىلدى باقىتتى بولۋعا قۇقى بار.
