وتكەن جىلى قازاقستاندا يمپورتتالاتىن كوكونىستەر 22,2 پايىزعا ارزاندادى

استانا. قازاقپارات - قازاقستاندا ەكسپورتتالعان تاۋارلاردىڭ باعاسى 2017 -جىلعى جەلتوقساندا 2016 -جىلدىڭ جەلتوقسانىمەن سالىستىرعاندا 21,2 پايىز، يمپورت تاۋارلارى 6,8  كوتەرىلدى، دەپ حابارلايدى قازاقپارات ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنە سىلتەمە جاساپ.

ەسەپتى كەزەڭدە ەكسپورتتالعان تەمىر قورىتپالارى - 44,2 پايىزعا، مىرىش - 26,5 پايىزعا، مىس - 21 پايىزعا، كومىر - 16 پايىزعا، مۇناي - 29,5  پايىزعا، قورعاسىن - 9,4 پايىزعا قىمباتتاپ، مارگانەتس رۋدالارى 19,5 پايىزعا ارزانداعان.

اۋىل شارۋاشىلىعى ونىمدەرىنەن: ماقتا 7,5 پايىزعا قىمباتتاپ، بيداي - 6,7 پايىزعا، ءجۇن - 6,6 پايىزعا ارزاندادى.

يمپورتتالعان ونىمدەردەن سپيرتتى جانە سپيرتسىز ىشىمدىكتەر - 14,6 پايىزعا، ءسۇت ونىمدەرى - 11 پايىزعا، ماكارون ونىمدەرى - 7,3 پايىزعا، شاي جانە قۇس ەتى - 4,7 پايىزعا، دارىلىك قۇرالدار - 3,5 پايىزعا قىمباتتاپ، كوكونىس - 22,2 پايىزعا، جەمىس- جيدەك پەن جاڭعاقتار - 2 پايىزعا ارزاندادى.

قاعاز باعاسى 13,3 پايىزعا، تەكستيل ونىمدەرى 7,6 پايىزعا، اياقكيىم، 9 پايىزعا كوتەرىلدى.