قاپشاعايدا 21 جاستاعى قىز سۋعا باتىپ كەتتى
بۇل تۋرالى وبلىستىق توتەنشە جاعدايلار دەپارتامەنتى ءمالىم ەتتى، دەپ حابارلايدى قازاقپارات ءتىلشىسى.
ۆەدومستۆو مالىمەتىنشە، قايعىلى جاعداي قاپشاعاي سۋ قويماسىندا بولدى.
«ءبىر توپ جاس «پيونەر» دەمالىس ايماعىنىڭ ماڭىندا سۋعا تۇسۋگە ارنالماعان جەردە دەمالعان. جاستار ماس كۇيىندە سۋعا تۇسكەن. ءوز كۇشىن اسىرا باعالاعان بويجەتكەن تەرەڭگە دەيىن ءجۇزىپ بارىپ، سۋعا باتىپ كەتتى»، - دەپ حابارلادى الماتى وبلىسىنىڭ ت ج د باسپا ءسوز قىزمەتىنەن.
توتەنشە جاعدايلار دەپارتامەنتىنىڭ وكىلدەرى قاۋىپسىزدىك ەرەجەلەرىن بۇزعان 5 ازامات «اكىمشىلىك جاۋاپكەرشىلىك تۋرالى» ق ر كودەكسىنىڭ 412-بابى بويىنشا اكىمشىلىك جاۋاپقا تارتىلعانىن ايتتى.
ماماندار ەسكەرتۋلەر مەن تىيىم سالۋ بەلگىلەرى بار جەرلەردە سۋعا تۇسۋگە، سونداي-اق جابدىقتالماعان، بەيتانىس جەردە سۋعا تۇسۋگە قاتاڭ تىيىم سالىناتىنىن ەسكە سالدى.
