تۇركىستاندىق 21 مەملەكەتتىك قىزمەتشى ءبىر كۇنىن تۇرمەدە وتكىزدى

تۇركىستان. قازاقپارات - تۇركىستاندىق 21 مەملەكەتتىك قىزمەتشى ءبىر كۇنىن تۇرمەدە وتكىزدى، دەپ حابارلايدى قازاقپارات ءتىلشىسى.
None

تۇركىستان وبلىسىنىڭ لاۋازىمدى قىزمەتكەرلەرى ق ر ءى ءى م قىلمىستىق-اتقارۋ جۇيەسى كوميتەتىنىڭ 69№ تۇزەتۋ مەكەمەسىنە باردى. شەنەۋنىكتەر سوتتالۋشىلاردىڭ تەمىر توردىڭ ار جاعىنداعى احۋالىمەن تانىستى. قاماۋداعى جاعدايدى ءوز كوزدەرىمەن كوردى.

photo

ەرەكشە شارا شەنەۋنىكتەر اراسىنداعى «بارماق باستى، كوز قىستى» ارەكەتتەردىڭ الدىن-الۋ ءۇشىن ۇيىمداستىرىلدى. ماقسات - مەملەكەتتىك قىزمەتشىلەرگە سىبايلاس جەمقورلىق قىلمىسى ءۇشىن جازانىڭ قالاي وتەلەتىنىن تىكەلەي تانىستىرۋ ارقىلى جەمقورلىقتىڭ الدىن الۋ. پارا العاننىڭ بارار جەرى اباقتى ەكەنىن ۇعىندىرۋ.

photo

قاتاڭ رەجيمدىك باقىلاۋ يزولياتورىنا مەملەكەتتىك مەكەمە باسشىلارى مەن ولاردىڭ ورىنباسارلارى، اۋدان، قالا اكىمدەرىنىڭ ورىنباسارلارى، جالپى 21 ادام ارنايى اۆتوبۋسپەن جەتكىزىلدى. سىبايلاس جەمقورلىق قىلمىستارى سالدارى بويىنشا مەملەكەتىك قىزمەتشىلەردىڭ ساناسىنا اسەر ەتۋ كوزدەلگەن بۇل ساپار بارىسىندا تۇزەتۋ مەكەمەسىنىڭ باسشىلىق قۇرامى مەملەكەتتىك قىزمەتشىلەرگە تۇرمەدەگى جاعدايدى كورسەتتى. مەملەكەتتىك قىزمەتكەرلەر سوتتالۋشىلاردىڭ جاتاتىن جەرى، تەرگەۋ يزولياتورى، جەكە كامەرا، اسحانا مەن اۋلالارىن ارالاپ كوردى.

photo

«مۇنداي شارالار سىبايلاس جەمقورلىقتىڭ دەڭگەيىن تومەندەتۋگە اسەر ەتەدى»، - دەيدى ماماندار.

photo

ۇيىمداستىرۋشىلاردىڭ سوزىنشە، اتالعان شارا الداعى ۋاقىتتا تۇراقتى تۇردە جۇزەگە اسىرىلىپ تۇرادى.

سوڭعى جاڭالىقتار