قىزىلوردا وبلىسىندا ماۋسىم ايىندا 21 ادام قاربىزدان ۋلانعان

None
قىزىلوردا. قازاقپارات - قىزىلوردا وبلىسىندا ماۋسىم ايىندا 21 ادام قاربىزدان ۋلانىپ قالدى، دەپ حابارلايدى قازاقپارات ءتىلشىسى.

جازدىڭ العاشقى كۇندەرىنەن باستاپ تۇرعىندار اراسىندا مەرزىمىنەن ەرتە پىسكەن باقشا ونىمدەرى مەن جەمىس-جيدەكتەن ۋلانعان ناۋقاستار سانى ءوسىپ كەلەدى.

«ماۋسىم ايىندا وبلىستىق جۇقپالى اۋرۋلار اۋرۋحاناسىندا مەرزىمىنەن ەرتە پىسكەن باقشا ونىمدەرىنەن (قاربىز) پايدا بولعان ءجىتى ىشەك ينفەكتسياسىنا شالدىققان 21 جاعداي ەسەپكە الىندى. قاربىز جازدىڭ العاشقى ايىندا ساۋدا سورەلەرىندە پايدا بولا باستايدى. بۇل ۋاقىتتا ونىمدەر اناعۇرلىم قاۋىپتى، ياعني نيتراتپەن ۋلانۋ دەڭگەيى جوعارى»، - دەپ ءمالىم ەتتى قىزىلوردا وبلىسى سانيتارلىق-ەپيدەميولوگيالىق باقىلاۋ دەپارتامەنتىنەن.

ۆەدومستۆو مالىمەتىنشە، جىل سايىن وبلىس تۇرعىندارى اراسىندا جۇقپالى ءجىتى ىشەك اۋرۋلارىنا شالدىعۋ رەسپۋبليكالىق ورتاشا كورسەتكىشتەن 2-3 ەسە جوعارى بولىپ وتىر.

بيىلعى 5 ايدا وبلىس كولەمىندە ءجىتى ىشەك ينفەكسياسىنىڭ 371 جاعدايى تىركەلگەن.

اۋرۋ كورسەتكىشى - 100 مىڭ حالىققا شاققاندا 44,8.

ەسكە سالساق، بۇعان دەيىن قىزىلوردا وبلىسىندا قىشىما اۋرۋى اسىرەسە 14 جاسقا دەيىنگى بالالار اراسىندا كوپ كەزدەسەتىنى حابارلانعان بولاتىن.

سوڭعى جاڭالىقتار