17:13, 24 - مامىر 2023 | GMT +5
سوت قايرات قۇدايبەرگەندى قاماۋدا ۇستاۋ مەرزىمىن 21- ماۋسىمعا دەيىن ۇزارتتى
الماتى. قازاقپارات - سوت قايرات قۇدايبەرگەندى قاماۋدا ۇستاۋ مەرزىمىن 2023-جىلدىڭ 21- ماۋسىمىنا دەيىن ۇزارتتى، دەپ حابارلايدى قازاقپارات ءتىلشىسى.
«الماتى مامانداندىرىلعان اۋدانارالىق تەرگەۋ سوتىنىڭ 2023-جىلعى 19- مامىرداعى اقپاراتى بويىنشا، سوت قاۋلىسىمەن تەرگەۋ ورگاندارىنىڭ ق- عا قاتىستى قاماۋدا ۇستاۋ مەرزىمىن ۇزارتۋىن سانكسيالاۋ تۋرالى ءوتىنىشى قاناعاتتاندىرىلدى. ياعني 2023-جىلدىڭ 21- ماۋسىمىنا دەيىن»، - دەلىنگەن سوت حابارلاماسىندا.
ايتا كەتەيىك، 24- ءساۋىر كۇنى سوت قاۋلىسىمەن تەرگەۋ ورگاندارىنىڭ ءوتىنىشى قاناعاتتاندىرىلىپ، قايرات قۇدايبەرگەنگە قاتىستى ارەكەتتى سارالاۋ تۋرالى قاۋلى شىعارىلعانعا دەيىن ونى 30 تاۋلىك مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىنا سانكسيا بەرىلگەن بولاتىن.
ەسكە سالايىق، قايرات قۇدايبەرگەننىڭ ۇستالعانى تۋرالى اقپارات 22- ساۋىردە پايدا بولعان ەدى.
قايرات قۇدايبەرگەن ديكي ارمانمەن بىرگە ادام جيناۋدى ۇيىمداستىرعان.
