رەيستى كەشىكتىرىپ، جولاۋشى قۇقىعىن بۇزعان ەكى كومپانياعا 21 ميلليون تەڭگە ايىپپۇل سالىندى
نۇر-سۇلتان. قازاقپارات - رەيستەردى كەشىكتىرۋ كەزىندە جولاۋشىلار قۇقىعىن بۇزعانى ءۇشىن ءبىرقاتار اۆياكومپانيالار جاۋاپكەرشىلىككە تارتىلدى، دەپ حابارلايدى قازاقپارات.
ازاماتتىق اۆياتسيا كوميتەتى رەيس كەشىكتىرۋ كەزىندە جولاۋشىلاردىڭ قۇقىعىن بۇزعانى ءۇشىن اۆياتاسىمالداۋشىلاردى جاۋاپقا تارتۋ جۇمىسىن جالعاستىرىپ جاتىر.
وسىلايشا، بيىلعى تامىزدىڭ ءۇشىنشى ونكۇندىگىندە «ەير استانا» اۋەكومپانياسىنا (قۇرىلىمدىق بولىمشەسى - «Fly Arystan» اۋەكومپانياسى) قاتىستى رەيس كەشىكتىرۋ كەزىندە جولاۋشىلار قۇقىعىن بۇزعانى ءۇشىن 2000 ا ە ك (6126000 تەڭگە) كولەمىندە قوسىمشا ەكى ايىپپۇل سالىندى.
وسى جىلدىڭ شىلدە ايىنان باستاپ «ەير استانا» اۋەكومپانياسىنا جالپى سوماسى 6000 ا ە ك
(18378000 ت گ) بولاتىن التى ايىپپۇل سالىندى.
«SCAT» اۋەكومپانياسى رەيس كىدىرگەن كەزدە جولاۋشىلاردىڭ قۇقىعىن بۇزعانى ءۇشىن 1000 ا ە ك (3063000 ت گ) كولەمىندە ايىپپۇل تولەيدى.
سونىمەن، اتالعان كەزەڭدە قازاقستاندىق اۋەكومپانيالار جەتى رەت 7000 ا ە ك (21441000 ت گ) سوماسىنا اكىمشىلىك جاۋاپكەرشىلىككە تارتىلدى.
«ازاماتتىق اۆياتسيا كوميتەتى جۇرگىزىلىپ جاتقان جۇمىس شەڭبەرىندە قازاقستان زاڭناماسىنىڭ جولاۋشىلار قۇقىعىن ساقتاۋ بولىگىندەگى تالاپتارىن ۇستانادى. تاسىمالداۋشىلار تاراپىنان قايتالاپ بۇزۋ فاكتىلەرى انىقتالعان جاعدايدا شارا قابىلدانادى» دەلىنگەن حابارلامادا.
