ەل اۋماعىندا 21- قاراشا كۇنى كۇن سۋىتىپ، جەل كۇشەيەدى
ۇلكەن ىلعال قورى بار اتلانتيكالىق تسيكلون وزىمەن بىرگە قازاقستاننىڭ سولتۇستىك جارتىسىنا - قار، باتىس بولىگىنە - جاڭبىر مەن قار، تۇمان، باتىسقا - كوكتايعاق پەن جاۋىن-شاشىن اكەلەدى.
رەسپۋبليكانىڭ باسىم بولىگىندە جەل كۇشەيەدى. قالعان اۋماقتاردا جاۋىن-شاشىن جاۋمايدى، كۇن اشىق.
باتىس قازاقستان وبلىسىنىڭ سولتۇستىگىندە، باتىسىندا - تۇمان، كوكتايعاق، جاياۋ بۇرقاسىن بولادى. ايماقتىڭ باسىم بولىگىندە جەلدىڭ جىلدامدىعى 15-20، ەكپىنى 25 م/س جەتەدى.
اتىراۋ وبلىسىندا جاياۋ بۇرقاسىن كوتەرىلەدى، باسىم بولىگىندە جەل قارقىنى - 23-28 م/س.
ماڭعىستاۋ وبلىسىنىڭ باتىسىندا، وڭتۇستىگىندە تۇندە جانە تاڭەرتەڭ تۇمان تۇسەدى، كۇندىز باسىم بولىگىندە جەلدىڭ جىلدامدىعى 17-22 م/س دەيىن كۇشەيەدى.
اقمولا وبلىسىنىڭ باتىسىندا كۇننىڭ ەكىنشى جارتىسىندا جاياۋ بۇرقاسىن، سولتۇستىك-باتىسىندا كوكتايعاق بولادى. جەلدىڭ كۇشى - 15-20، ەكپىنى - 23 م/س.
الماتى وبلىسىندا الاكول كولىنىڭ اۋماعىندا جەلدىڭ جىلدامدىعى 15-20، ەكپىنى 23-28 م/س جەتەدى.
15-20، ەكپىنى 23 م/س. اقتوبە، قوستاناي وبلىستارىنىڭ سولتۇستىك-باتىسىندا تۇمان، كوكتايعاق، جاياۋ بۇرقاسىن كۇتىلەدى، جەل 15-20 م/س، كۇندىز وبلىستىڭ باسىم بولىگىندە 15-20، ەكپىنى 23-28 م/س.
سولتۇستىك قازاقستان وبلىسىنىڭ سولتۇستىك-باتىسىندا جەل 15-20، كۇندىز ەكپىنى 23-28 م/س، جاياۋ بۇرقاسىن كۇتىلەدى.
شىعىس قازاقستان وبلىسىنىڭ باتىسى، وڭتۇستىك-شىعىسى مەن ورتالىعىندا جەل 15-20، ەكپىنى 23-25 م/س كۇشەيەدى.
جامبىل وبلىسىنىڭ تۇندە جانە تاڭەرتەڭ تاۋلى اۋداندارىندا تۇمان كۇتىلەدى، سولتۇستىك- شىعىسىندا، وڭتۇستىك-باتىسىندا جانە تاۋلى اۋداندارىندا جەل 15-20 م/س كۇشەيەدى.
تۇركىستان وبلىسىندا، كۇندىز قىزىلوردا وبلىسىنىڭ سولتۇستىگىندە جەل 15-20 م/س كۇشەيەدى.
