قاراعاندى وبلىسىندا اۆتوبۋس اپاتقا ۇشىراپ، 21 جولاۋشى جاراقات الدى

قاراعاندى. قازاقپارات - قاراعاندى وبلىسى ساران قالاسىنىڭ ماڭىندا جولاۋشىلار اۆتوبۋسى اپاتقا ۇشىرادى.

قاراعاندى- شاحان باعىتىنداعى قالاارالىق اۆتوبۋس تراكتورمەن سوقتىعىسىپ، جولدان شىعىپ كەتتى، دەپ حابارلايدى قازاقپارات ءتىلشىسى.

جول اپاتى 29- قىركۇيەك ساعات 19:30 شاماسىندا بولدى. №127 مارشرۋتتىق اۆتوبۋس ساران ماڭىنداعى تاسجولدا تراكتورمەن سوقتىعىسقان.

«جول- كولىك وقيعاسى سالدارىنان زارداپ شەككەن ءتورت ادام مەديتسينالىق مەكەمەگە جەتكىزىلدى. اتالمىش دەرەك پوليتسيادا تىركەلگەن . قازىرگى ۋاقىتتا وقيعانىڭ ءمان- جايىن انىقتاۋ بويىنشا العاشقى تەرگەۋ شارالارى جۇرگىزىلۋدە»، - دەپ حابارلادى قاراعاندى وبلىسى پ د باسپا ءسوز قىزمەتى.

دەنساۋلىق ساقتاۋ باسقارماسى زارداپ شەككەندەردىڭ جاعدايى تۋرالى كەلەسىدەي مالىمەت بەردى: «بارلىعى 21 ادام زارداپ شەكتى. ونىڭ بەسەۋى ماقاجانوۆ كلينيكاسىنا جاتقىزىلدى. ناۋقاستاردىڭ جاعدايى ورتاشا اۋىر. قالعانى امبۋلاتورلىق ەمدەلۋگە جىبەرىلدى»، - دەپ حابارلادى ۆەدومستۆودا.

اۆتور: اگاتا مۋحامەدجانوۆا