قىتايدا تاعى سۋ تاسقىنى بولىپ، 21 ادام كوز جۇمدى
تاعى تورتەۋى ءىز- ءتۇسسىز جوعالدى، دەپ حابارلايدى قازاقپارات ءتىلشىسى قىتاي ورتالىق تەليەۆيدەنيەسىنە سىلتەمە جاساپ.
تابيعي اپات سالدارىنان اسىرەسە تاۋلى ايماقتا ورنالاسقان حۋبەي پروۆينتسياسىنىڭ سۋيسيان ۋەزىندەگى ليۋلين كەنتى زارداپ شەكتى. تاۋلىك ىشىندە بۇل جەردە 503 م م جاۋىن- شاشىن تۇسكەن.
قىتايلىق ب ا ق مالىمدەمەسىنە سايكەس، نوسەر جاۋىن سالدارىنان ليۋلين كەنتىندە 21 ادام قازا تاۋىپ، تاعى تورتەۋى ءىز- ءتۇسسىز جوعالدى. اپات سالدارىنان ليۋلين كەنتىنىڭ 8 مىڭ تۇرعىنى زارداپ شەكتى، سونداي- اق 2,7 مىڭ قۇرىلىس زاقىمدالعان. جولداردى سۋ باسىپ، 63 كوپىر جانە 700 دەن استام ەلەكتر باعاناسى بۇلىنگەن.
قازىرگى كەزدە مۇنداعى اۆتوموبيل قوزعالىسى، بايلانىس جانە ەلەكترمەن جابدىقتاۋ ءالى قالپىنا كەلتىرىلگەن جوق. ەسكە سالساق، ءبۇعان دەيىن قىتاي ەلىنىڭ وڭتۇستىك- باتىسىنداعى سىچۋان پروۆينتسياسىندا تولاسسىز جاۋعان نوسەر جاۋىن سالدارىنان 7 مىڭنان استام ادام شۇعىل قاۋىپسىز جەرگە كوشىرىلگەنى تۋرالى حابارلاعان بولاتىنبىز.