21 -ءساۋىر. قازاقپارات كۇنتىزبەسى

اتاۋلى كۇندەر

قازاقستان رەسپۋبليكاسىنىڭ مەملەكەتتىك كۇزەت قىزمەتى

كۇنى 2014 -جىلدىڭ ساۋىرىندە ەكى ۆەدومستۆو - قازاقستان رەسپۋبليكاسى پرەزيدەنتى كۇزەت قىزمەتىنىڭ جانە قازاقستان رەسپۋبليكاسى رەسپۋبليكالىق ۇلانىنىڭ قوسىلۋى ارقىلى ق ر مەملەكەتتىك كۇزەت قىزمەتى قۇرىلدى.

ق ر پرەزيدەنتىنىڭ كۇزەت قىزمەتى 1992 -جىلى تاۋەلسىزدىك جاريالانعاننان كەيىن كوپ ۇزاماي قۇرىلدى. ال بىرنەشە ايدان كەيىن رەسپۋبليكالىق ۇلان جاساقتالدى. ەكى ۆەدومستۆو دا مەملەكەت قاۋىپسىزدىگىن ساقتاۋدا ماڭىزدى ءرول اتقاردى.

دۇنيەجۇزىلىك شىعارماشىلىق جانە يننوۆاتسيالىق قىزمەت كۇنى

بىرىككەن ۇلتتار ۇيىمىنىڭ حالىقارالىق كۇندەر جۇيەسىنە كىرەدى. العاش رەت 2002 -جىلى اتاپ ءوتىلدى. ب ۇ ۇ باس اسسامبلەياسى بۇل كۇندى 2017 -جىلى تۇراقتى دامۋ سالاسىندا ماقساتقا قول جەتكىزۋ جولىندا شىعارماشىلىقتىڭ ماڭىزدىلىعىنا ءمان بەرۋ ءۇشىن بەكىتكەن. كاسىبي اكىمشىلىك قىزمەتكەرلەر كۇنى جىل سايىن ءساۋىر ايىنىڭ سوڭعى سارسەنبىسىندە حالىقارالىق كاسىبي مەرەكە اتاپ وتىلەدى. بۇل مەرەكە امەريكا قۇراما شتاتتارىندا باسقا دا كوپتەگەن كاسىبي مەرەكەلەر سياقتى پايدا بولدى. 1952 -جىلى وندا ءبىرىنشى رەت حاتشى كۇنىنە ارنالعان سالتاناتتى ءىس- شارالار ءوتتى. حالىقارالىق اكىمشىلىك قىزمەتكەرلەر قاۋىمداستىعى باستاماشى بولدى.

ەستە قالار وقيعالار

1925 -جىلى «قازاق ايەلى» جانە «تەڭدىك» گازەتتەرى نەگىزىندە «قازاقستان ايەلدەرى» قوعامدىق- ساياسي جۋرنالى شىعا باستادى. باستاپقىدا «ايەل تەڭدىگى»، «ستالين جولى» دەپ اتالدى. 1955 -جىلدان «قازاقستان ايەلدەرى» دەپ اتالادى.

1959 -جىلى مۇحتار اۋەزوۆكە «اباي جولى» ديلوگياسى ءۇشىن لەنين سىيلىعى تاعايىندالدى. ول V شاقىرىلعان ك س ر قازاق جوعارعى كەڭەسىنىڭ دەپۋتاتى بولىپ سايلاندى.

1961 -جىلى قازاقستاننىڭ گاز جۇيەسىنىڭ نەگىزىن قالاعان «ورتا ازيا- ورتالىق» ماگيسترالدىك گاز قۇبىرىنىڭ قۇرىلىسى باستالدى.

1992 -جىلى رەسپۋبليكادا ەندى قۇرىلىپ جاتقان العاشقى ديپلوماتيالىق كورپۋس وكىلى - قازاقستانداعى تۇركيانىڭ توتەنشە جانە وكىلەتتى ەلشىسى ارگيۋن ەزناەم قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆقا تۇڭعىش رەت سەنىم گراموتاسىن تابىس ەتتى.

1995 -جىلى قازاقستان رەسپۋبليكاسى مەن مونعوليا اراسىنداعى ەرىكتى تۇردە قونىس اۋدارۋ جانە قازاقستان رەسپۋبليكاسىنا ەڭبەك شارتتارى بويىنشا كەلگەن ادامداردىڭ ازاماتتىعى ماسەلەلەرىن رەتتەۋ جونىندەگى شارت راتيفيكاتسيالاندى.

2006 -جىلى «قازاتومونەركاسىپ» ۇلتتىق اتوم كومپانياسىنىڭ سەنىمدى باسقارۋىنداعى ستەپنوگور كەن- حيميا كومبيناتىنىڭ گيدرومەتاللۋرگيا زاۋىتى اۋماعىندا موليبدەن بايىتۋ فابريكاسى اشىلدى. مۇنداي فابريكا قازاقستاننىڭ تاۋ- كەن ءوندىرىسى مەن قايتا وڭدەۋ ونەركاسىبىندە العاش رەت ىسكە قوسىلىپ وتىر. موليبدەن كەنىن قايتا وڭدەيتىن بايىتۋ فابريكاسى گيدرومەتاللۋرگيا زاۋىتىنىڭ اۋماعىندا رەكوردتىق مەرزىمدە - 96 كۇندە سالىندى.

2011 -جىلى قازاقستان اۋماعىندا «ورماندار» تاقىرىبىندا «ەۋروپا» سەرياسىنىڭ كوركەم ماركاسى پوشتا اينالىمىنا ەندى. ونىڭ نومينالى - 250 تەڭگە، تيراجى - 250 مىڭ دانا.

2014 -جىلى الماتى وبلىسى سارقاند قالاسىنداعى №1 مەكتەپ- گيمنازيانىڭ 10-سىنىپ وقۋشىسى ەۆگەني ستانكيەۆيچ شۆەتسيانىڭ ەكولوگتارى ۇيىمداستىرعان كونكۋرستىڭ جەڭىمپازى اتاندى. ماراپاتتاۋ ءراسىمى ستوكگولمدە ءوتتى. ەكولوگيالىق جۋرناليستيكا كونكۋرسىنا گەرمانيا، فرانسيا، كانادا، ماكەدونيا، مالتا، رۋمىنيا، سلوۆاكيا، چەرنوگوريا، لاتۆيا وكىلدەرى قاتىستى.

2015 -جىلى ق ر ۇلتتىق بانكى قر قورعانىس مينيسترلىگىنە «ۇلى جەڭىسكە 70 -جىل» 4776 كۇمىس مونەتاسىن قايتارىمسىز نەگىزدە تابىس ەتتى. ونى ەكىنشى دۇنيەجۇزىلىك سوعىسقا قاتىسقان قازاقستاندىق ارداگەرلەر الدى.

2016 -جىلى الماتىدا «تۇركى تىلدەس الەم مۋزىكاسى» اتتى زەرتتەۋ توبىنىڭ V حالىقارالىق سيمپوزيۋمى اشىلدى.

2018 -جىلى نيۋ- يوركتە بۇۇ جانىنداعى قازاقستاننىڭ تۇراقتى وكىلدىگىندە يسلام الەمىنىڭ تاريحىندا العاش رەت 2017 -جىلى قىركۇيەكتە استانادا وتكەن ي ى ۇ- نىڭ عىلىم جانە تەحنولوگيالار جونىندەگى ءسامميتىنىڭ قورىتىندىلارىنا ارنالعان يسلام ىنتىماقتاستىق ۇيىمىنا مۇشە ەلدەر ەلشىلەرىنىڭ كەزدەسۋى ءوتتى.

2019 -جىلى اشىق سۋدا جۇزۋدەن كۋۆەيتتە وتكەن ازيا چەمپيوناتىندا قازاقستاندىق ۆيتالي حۋدياكوۆ جەڭىسكە جەتىپ، وليمپيادا جولداماسىنا يەلىك ەتتى. ول 10 شاقىرىمعا جۇزۋدەن كوش باستادى.