ەكپىندى جەل، كوكتايعاق، تۇمان: 21-ناۋرىز كۇنگى اۋا رايى بولجامى

سولتۇستىك- باتىستا جاياۋ بۇرقاسىن كۇتىلەدى. ەلىمىزدىڭ كەي جەرلەرىندە تۇمان، كوكتايعاق، وڭتۇستىكتە جانە وڭتۇستىك- باتىستا نايزاعاي بولجانادى، دەپ حابارلايدى قازاقپارات.

«قازگيدرومەت» ر م ك مالىمەتىنە سايكەس، شىعىس قازاقستان وبلىسىندا جەلدىڭ كۇشى كەي جەرلەردە 30 م/س جانە ودان جوعارى ارتۋى مۇمكىن. جولداردا كوكتايعاق، كەي جەرلەردە تۇمان كۇتىلەدى. الماتى وبلىسىنىڭ كەي جەرلەرىندە تۇمان بولادى، جەلدىڭ ەكپىنى 23-28 م/س، كەي ۋاقىتتاردا 30 م/س جانە ودان جوعارى كۇشەيەدى.

سولتۇستىك قازاقستان وبلىسىندا جەلدىڭ جىلدامدىعى 23-28 م/س جەتەدى. كەي جەرلەردە تۇمان، كوكتايعاق بولجانادى. اقمولا، قوستاناي وبلىستارىندا تۇندە 23-28 م/س، كۇندىز كەي جەرلەردە 15-20 م/س ەكپىندە جەل سوعادى. جەكەلەگەن اۋماقتاردا تۇمان، كوكتايعاق كۇتىلەدى.

قاراعاندى، پاۆلودار، جامبىل وبلىستارىنىڭ كەي جەرلەرىندە تۇمان، كوكتايعاق بولادى، جەلدىڭ كۇشى 15-20 م/س ارتادى. تۇركىستان، ماڭعىستاۋ وبلىستارىنىڭ كەي جەرلەرىندە نايزاعاي، تۇمان كۇتىلەدى، تۇركىستان وبلىسىندا جەل 15-20 م/س كۇشەيەدى. اقتوبە وبلىسىنىڭ كەي جەرلەرىندە تۇمان، كوكتايعاق، تۇندە جاياۋ بۇرقاسىن بولجانادى.

جەلدىڭ كۇشى - 18 م/س. قىزىلوردا وبلىسىنىڭ كەي جەرلەرىندە تۇمان، تۇندە كەي جەرلەرىندە كوكتايعاق كۇتىلەدى، كۇندىز جەلدىڭ ەكپىنى 15-20 م/س كۇشەيەدى. اتىراۋ وبلىسىنىڭ كەي جەرلەرىندە تۇمان كۇتىلەدى. تۇندە باتىس قازاقستان وبلىسىنىڭ كەي جەرلەرىندە تۇمان، كوكتايعاق بولادى.