ەلوردادا باسسەيننەن 21 جاستاعى قىزدىڭ مۇردەسى تابىلدى
«وسى جىلدىڭ 16- قاڭتارىندا ساعات 10:18 دە پوليتسيانىڭ كەزەكشى بولىمىنە ەلورداداعى سپورت كەشەنىنىڭ باسسەينىندە قىز مۇردەسى تابىلعانى تۋرالى حابارلاما ءتۇستى. وقيعا ورنىنا جەتكەن جەدەل تەرگەۋ توبى اقپاراتتى راستادى»، - دەدى نۇر-سۇلتان قالالىق پوليتسيا دەپارتامەنتىنىڭ باسپا ءسوز قىزمەتىنەن.
قازىرگى ۋاقىتتا اتالعان سپورت كەشەنى جاتتىقتىرۋشىسىنىڭ باسسەيندە قىزدىڭ قوزعالىسسىز جاتقانىن بايقاعانى انىقتالىپ وتىر. جاتتىقتىرۋشى قىزدى سۋدان شىعارىپ، جاساندى تىنىس الدىرىپ، جۇرەگىنە ماساج جاساعان. وقيعا ورنىنا كەلگەن جەدەل جاردەم دارىگەرلەرى 21 جاستاعى قىزدىڭ قايتىس بولعانىن انىقتاعان.
«قايعىلى وقيعا كەزىندە باسسەيندە تاعى 4 ادام بولعان. قازا بولعان قىز باسسەينگە بىررەتتىك ابونەمەنت ساتىپ الىپ كەلگەن. اتالعان فاكتى بويىنشا تەكسەرۋ جۇرگىزىلىپ جاتىر»، - دەدى ۆەدومستۆودان.
