كريشتيانۋ رونالدۋ 21- عاسىردىڭ ۇزدىك فۋتبولشىسى اتاندى

نۇر-سۇلتان. قازاقپارات - فۋتبولداعى جەتىستىكتەر ءۇشىن بەرىلەتىن «Globe Soccer Awards» سىيلىعىنىڭ يەگەرلەرى انىقتالدى.

سالتاناتتى ماراپاتتاۋ ءراسىمى 27- جەلتوقسان كۇنى دۋبايدا ءوتتى. قازاقپارات بۇل تۋرالى Eurosport-قا سىلتەمە جاساپ حابارلايدى. «21-عاسىردىڭ ۇزدىك باپكەرى» نوميناتسياسىندا (2001-2020-جىلدار ارالىعىندا) «مانچەستەر سيتي» - ءدىڭ تىزگىنىن ۇستاعان پەپ گۆارديولا جەڭىسكە جەتتى.

بۇل سىيلىققا ۇمىتكەرلەر قاتارىندا زينەدين زيدان («رەال»)، جوزە موۋرينيۋ («توتتەنحەم») جانە الەكس فەرگيۋسون («مانچەستەر يۋنايتەد» - ءتىڭ بۇرىنعى باپكەرى) بولدى.

«2020-جىلدىڭ ۇزدىك باپكەرى» اتاعى «باۆاريا» - مەن جۇمىس ىستەيتىن حانس-ديتەر فليككە بەرىلدى. ول «ليۆەرپۋل» - دان يۋرگەن كلوپپتى جانە «اتالانتى» - دان دجان پەرو گاسپەريندى ارتتا قالدىردى.

«21-عاسىردىڭ ۇزدىك ويىنشىسى» نوميناتسياسىندا «يۋۆەنتۋس» كلۋبىنىڭ 35 جاستاعى مۇشەسى كريشتيانۋ رونالدۋ الدى. ونىمەن بىرگە باقتالاسقا تۇسكەن - مەسسي، موحامەد سالاح جانە رونالدينو.

ك. رونالدۋ سونداي-اق «2020-جىلدىڭ ۇزدىك ويىنشىسى» اتاعىن الۋى كەرەك ەدى. سەبەبى ول داۋىس بەرۋ ناتيجەسى بويىنشا روبەرت ليەۆاندوۆسكي مەن ليونەل مەسسيدى باسىپ وزعان.

الايدا، قازىلار القاسى سىيلىقتى «باۆاريانىڭ» شابۋىلشىسى ر. ليەۆاندوۆسكيگە بەرۋدى شەشتى.