قازاقستاندا كوروناۆيرۋستان ەمدەلىپ جاتقانداردىڭ اراسىندا 21 ناۋقاستىڭ جاعدايى اۋىر
نۇر-سۇلتان. قازاقپارات - قازاقستاندا وسى ۋاقىتتا كوروناۆيرۋستان 9319 ادام ەمدەلىپ جاتىر، دەپ حابارلايدى قازاقپارات ق ر دەنساۋلىق ساقتاۋ مينيسترلىگىنىڭ Telegram كانالىنا سىلتەمە جاساپ.
ونداعى مالىمەتتەرگە قاراعاندا، كوروناۆيرۋستان ەمدەلىپ جاتقانداردىڭ اراسىندا 456 بالا بار.
ستاتسيونارلاردا 3126 ناۋقاس جاتىر. 6193 ادام امبۋلاتوريالىق جاعدايدا ەمدەلۋدە.
جالپى ناۋقاستاردىڭ اراسىندا 220 ادامنىڭ دەنساۋلىق جاعدايى ناشار. سونىڭ ىشىندە 21 ناۋقاستىڭ جاعدايى اسا اۋىر دەپ باعالانۋدا. 23 ناۋقاس جاساندى تىنىس الۋ اپپاراتىندا جاتىر.
