قازاقپارات كۇنتىزبەسى: 21- تامىز

اتاۋلى كۇندەر

تەرروريزم قۇرباندارىن ەسكە الۋ جانە قاستەرلەۋ كۇنى

ب ۇ ۇ باس اسسامبلەياسىنىڭ 2017-جىلعى 19- جەلتوقسانداعى قارارىمەن ۇكىمەتتەردىڭ، جالپى جۇرتشىلىقتىڭ نازارىن تەرروريزم قۇرباندارىن ەسكە الۋعا، تەررورزيمنەن زارداپ شەككەندەرگە ۇزاق مەرزىمدى فيزيكالىق، پسيحولوگيالىق، الەۋمەتتىك جانە قارجىلاي كومەك كورسەتۋگە اۋدارۋ ماقساتىندا بەكىتىلگەن.

ەستە قالار وقيعالار

1947-جىلى بۇرىنعى سەمەي پوليگونىنىڭ ورتالىعى - كۋرچاتوۆ قالاسى قۇرىلدى. ول ىرگەسى قالانعاننان س س س ر ىدىراعانعا دەيىن جابىق قالا مارتەبەسىندە بولدى.

1991 -جىلى ەلباسى جارلىعىمەن رەسپۋبليكادا قازاق س س ر قاۋىپسىزدىك كەڭەسى قۇرىلدى.

كەڭەستىڭ نەگىزگى ماقساتى - ەلىمىزدىڭ ەگەمەندىگىن، مەملەكەتتىلىگىن، ەكونوميكالىق جانە ەكولوگيالىق قاۋىپسىزدىگىن قامتاماسىز ەتۋ.

1992-جىلى قازاقستان رەسپۋبليكاسى حالىقارالىق ازاماتتىق اۆياتسيا ۇيىمىنا كىردى.

2000 -جىلى الماتىدا ۋكراين حالقىنىڭ اقىنى تاراس گريگوريەۆيچ شيەۆچەنكونىڭ (1814-1861) ەسكەرتكىشى اشىلدى. ەسكەرتكىش سالماعى 12 توننا، بيىكتىگى 3,5 مەتر. اۆتورى - ۋكراين ءمۇسىنشىسى ۆيتالي روجيك. وڭتۇستىك استاناعا ۋكراين حالقىنىڭ سىيلىعى الماتى اكىمشىلىگى مەن ۋكراين ەلشىلىگىنىڭ باستاماسىمەن جاسالىندى.

2004 -جىلى ءا. قاستەيەۆ مۇراجايىندا «ICOMOS قازاقستاندا» اتتى جاڭا قوعامدىق ۇيىمنىڭ تۇساۋكەسەر ءراسىمى ءوتتى. ICOMOS ماقساتى - الەمدەگى مادەني مۇرالاردىڭ ساقتالۋىنا كومەك كورسەتۋ. الەمدە 7 مىڭعا جۋىق جەكە تۇلعا مەن مەكەمە اتالعان ۇيىمنىڭ مۇشەسى. ولار ءوز قىزمەتتەرىن 110 ەلدە ورنالاسقان ۇلتتىق كوميتەت جەلىلەرى ارقىلى جۇزەگە اسىرادى.

2009-جىلى وسكەمەندە «دالا ءانى» جانە «كوشپەلىلەر» اتتى ەكى جاڭا كومپوزيتسيالىق مۇسىندەر ورناتىلدى.

مۇسىندەردىڭ اۆتورى - قازاقستاننىڭ تانىمال ديزاينەرى جانات ەلۋبايەۆا. «دالا ءانى» - ەرەكشە كومپوزيتسيا. اتالمىش ءمۇسىنىڭ اتالۋ سەبەبى، ول جەردە كىشكەنە عانا جەل سوققان كەزدە ەرەكشە ءبىر دىبىس شىعاراتىن كامەرتون ورنالاسقان. ءبىرىنشى ءمۇسىننىڭ تاياۋ ماڭىندا «كوشپەلىلەر» ورنالاسقان. بۇل شىعارمالاردىڭ باستى يدەياسى - اتامۇرانى ناسيحاتتاۋ.

2012 -جىلى استانادا «قازمەديا ورتالىعى» تەلەراديوكەشەنى اشىلدى. ول قازاقستان تەلەارنالارىنىڭ باستى تەحنولوگيالىق الاڭىنا اينالدى. «قازمەديا ورتالىعىندا» «حابار»، «حابار 24»، «Kazakh TV» ، «Qazaqstan»، «balapan»، «Qazsport»، «مير مەملەكەتارالىق تەلەراديوكومپانياسى»، «اسىل ارنا»، «ەۆرازيا ءبىرىنشى ارناسى»، «Qazaq radiosy»، «استانا»، «Shalkar» راديولارى ورنالاسقان.

2013 -جىلى استانادا تۋريستەردى قالانىڭ كورىكتى ورىندارىنا قىدىرتاتىن كوممەرتسيالىق رەيستەر ىسكە قوسىلدى. ساياحاتشىلارعا لوندونداعى سەكىلدى ەكى قاباتتى اۆتوبۋستار قىزمەت كورسەتەدى. اۆتوبۋستار «Hop-on-Hop-off» جۇيەسىندە جۇمىس ىستەيدى، ياعني كۇنى بويى وعان قالاعانشا ءمىنىپ-تۇسۋگە بولادى.

2013 -جىلى تەڭگەنىڭ 20 جىلدىعىنا وراي قۇنى 50، 500، 5000 جانە 10000 تەڭگەلىك ءتورت ءتۇرلى مونەتا دايىندالدى.

2014 -جىلى قازاقستاننىڭ دەنەشىنىقتىرۋ مادەنيەتى مەن سپورتىن دامىتۋعا سىڭىرگەن ەڭبەگى ءۇشىن لوندون وليمپياداسىنىڭ چەمپيونى الەكساندر ۆينوكۋروۆ قۇرمەت بەلگىسىمەن ماراپاتتالدى. مەدالدى مادەنيەت جانە سپورت ءمينيسترى ارىستانبەك مۇحامەدي ۇلى تابىستادى.

2015 -جىلى ۇلىتاۋدا قازاق حاندىعىنىڭ 550 جىلدىعىنا وراي «بۇلانتى شايقاسى» ەسكەرتكىشى اشىلدى. مونۋمەنت بۇلانتى وزەنىنىڭ جاعاسىندا، قازاق اسكەرى جوڭعارلاردى ويسىراتا جەڭگەن ءۇيتاس قورىمدارىنىڭ جانىنان بوي كوتەردى.

2015 -جىلى «جاڭا تولقىن-2015» بالالار مۋزىكا بايقاۋىندا قازاقستاندىق جاس دارىن يەسى دانەليا تولەشوۆا «كورەرمەن كوزايىمى» اتالىمىندا جەڭىسكە جەتتى.

2016 -جىلى پاۆلوداردا ورتا ءجۇزدىڭ قىزىل ءتىلدى شەشەنى، دارىندى قولباسشى مالايسارى باتىرعا ەسكەرتكىش قويىلدى. ول قازىرگى پاۆلودار وبلىسىنىڭ اۋماعىندا دۇنيەگە كەلگەن. بوگەنباي، قابانباي، رايىمبەك، بايان، ناۋرىزباي باتىرلارمەن بىرگە شايقاسقان.

2017 -جىلى قازاقستاندىق اۋىر اتلەت البەرت ليندەر قىتايدىڭ تايبەيىندە وتكەن 2017-جىلعى جازعى ۋنيۆەرسيادانىڭ التىن مەدالىن جەڭىپ الدى. البەرت قوسسايىس قورىتىندىسى بويىنشا، 333 كيلوگرام (148+185) ناتيجە كورسەتىپ، ۋنيۆەرسيادانىڭ رەكوردىن ورناتتى.

2019 -جىلى قوستانايدا «رەگيون-10» اتتى جوعالعانداردى ىزدەۋ رەسۋرسى پايدا بولدى. www.region10.kz. سايتىندا جوعالعان ادامداردى ىزدەۋ بويىنشا اقپاراتتى بىلۋگە، سونداي-اق عالامتوردا ءجيى كەزدەسەتىن جالعان اقپاراتتاردى اجىراتۋعا بولادى.

سايتتى جاساۋشىلار - يانا ماليار، تاتيانا ميلەحينا جانە يرينا كارپەنكو ەسىمدى ەرىكتىلەر.

ولار «قىزىل جارتى اي» جانە «گرين» ۇ ە ۇ- نىڭ قولداۋىمەن العاشقى كومەك كورسەتۋ، ىزدەستىرۋدى ۇيىمداستىرۋ جانە جوعالعان ادامداردى ىزدەۋ كەزىندە قاجەتتى باستاپقى ارەكەتتەردى جۇرگىزۋدە ارنايى دايىندىقتان وتكەن.

2019 -جىلى نۇر-سۇلتان قالاسىندا ورتالىق ازيا مەملەكەتتەرىنىڭ سىرتقى ىستەر مينيسترلەرى مەن ا ق ش مەملەكەتتىك حاتشىسى ورىنباسارىنىڭ قاتىسۋىمەن «س5+1» فورماتىندا جوعارى دەڭگەيدەگى كەزدەسۋ ءوتتى. «س5+1» فورماتى - ءوڭىردىڭ تۇراقتى دامۋى مەن قاۋىپسىزدىگىن قامتاماسىز ەتۋدە ماڭىزدى قۇرال.