قازگيدرومەت: 21-شىلدە كۇنگى اۋا رايى بولجامى
21-شىلدەدە اتموسفەرالىق اۋا اعىندارىنىڭ اسەرىنەن شىعىستا كۇن كۇركىرەپ، جاڭبىر جاۋادى، وڭتۇستىك پەن سولتۇستىكتە جانە باتىستا كۇن اشىق. كەي جەرلەردە جەلدىڭ كۇشەيۋى، داۋىل كۇتىلەدى، بۇرشاق جاۋۋى ىقتيمال، وڭتۇستىك باتىستا - شاڭدى داۋىل.
شىعىس قازاقستان وبلىسىنىڭ كەي جەرلەرىندە داۋىل كۇتىلەدى، بۇرشاق جاۋۋى مۇمكىن، جەلدىڭ كۇشى 15-20، كۇندىز ەكپىنى 23-28 م/س.
قاراعاندى وبلىسىنىڭ كەي جەرلەرىندە داۋىل تۇرۋى، بۇرشاق جاۋۋى ىقتيمال، جەلدىڭ جىلدامدىعى 15-20، كۇندىز ەكپىنى 23 م/س كۇشەيەدى.
پاۆلودار، قوستاناي، اقمولا وبلىسىنىڭ كەي جەرلەرىندە داۋىل كۇتىلەدى، بۇرشاق جاۋۋى مۇمكىن، جەل 15-20 م/س، ەكپىنى 23 م/س.
سولتۇستىك قازاقستان وبلىسىنىڭ كەي جەرلەرىندە داۋىل تۇرۋى، بۇرشاق جاۋۋى ىقتيمال، جەل 15-20 م/س كۇشەيەدى.
جامبىل، باتىس قازاقستان وبلىستارىندا داۋىل كۇتىلەدى، جەلدىڭ جىلدامدىعى 15-20 م/س جەتەدى.
الماتى، كۇندىز اتىراۋ وبلىستارىنىڭ كەي جەرلەرىندە جەل تۇرىپ، 15-20 م/س كۇشەيەدى.
تۇركىستان، قىزىلوردا وبلىستارىندا جەلدىڭ جىلدامدىعى 15-20 م/س جەتەدى.
ماڭعىستاۋ وبلىسىنىڭ كۇندىز كەي جەرلەرىندە شاڭدى داۋىل كۇتىلەدى، جەل 15-20 م/س كۇشەيەدى.
كۇندىز الماتى، تۇركىستان وبلىستارىندا، باتىس قازاقستان، قوستاناي، قاراعاندى، شىعىس قازاقستان وبلىستارىنىڭ وڭتۇستىگىندە اپتاپ ىستىق بولادى. اتىراۋ، اقتوبە، باتىس قازاقستان، قىزىلوردا وبلىستارىندا، قوستاناي، تۇركىستان، قىزىلوردا وبلىستارىنىڭ باسىم بولىگىندە، الماتى، قاراعاندى وبلىستارىنىڭ كەي جەرلەرىندە جوعارى ءورت قاۋپى ساقتالادى.
