14:36, 20 - ماۋسىم 2020 | GMT +6
21- ماۋسىمدا كۇن تۇتىلادى
نۇر-سۇلتان. قازاقپارات - الداعى جەكسەنبى كۇنى قازاقستاندىقتار، سونداي-اق ازيا، افريكا جانە تاياۋ شىعىس ەلدەرىنىڭ حالقى كۇننىڭ ەرەكشە تۇتىلۋىنا كۋا بولادى، دەپ حابارلايدى قازاقپارات.
بۇل استرونوميالىق قۇبىلىس، ياعني كۇننىڭ شەڭبەرلەنىپ تۇتىلۋى اي جەردەن بارىنشا الىستاپ، ءوزىنىڭ ەلليپتيكالىق وربيتاسىندا تۇرعاندا بولادى.
سوندىقتان ول كۇننىڭ جيەگىن تولىق جاپپايدى، دەپ حابارلايدى v-kosmose.com رەسۋرسى.
جاريالانعان باقىلاۋ تىزىمىنە سۇيەنسەك، نۇر-سۇلتاندا كۇننىڭ تۇتىلۋى 21- ماۋسىم ساعات 11:30 كەزىندە باستالىپ، كۇندىزگى 13:42 گە دەيىن جالعاسادى.
بۇل قۇبىلىس شامامەن ساعات 12:35 كەزىندە انىق كورىنەدى. الماتىدا كۇننىڭ تۇتىلۋىن 11:16 دان باستاپ 14:06 عا دەيىن تاماشالاۋعا بولادى.
اسىرەسە 12:40 شاماسىندا انىقتاپ قاراۋعا كەڭەس بەرەمىز. مامانداردىڭ ايتۋىنشا، بۇل كۇننىڭ 2020-جىلعى ەڭ قىسقا جانە ەڭ انىق شەڭبەرلەنىپ تۇتىلۋى بولماق.
ولار مۇنداي استرونوميالىق قۇبىلىستى ارنايى كۇن فيلترىن قولدانا وتىرىپ تاماشالاۋ كەرەكتىگىن ەسكە سالادى.