قازاقستاندا 21 -جەلتوقساندا وتەتىن ماڭىزدى شارالارعا شولۋ

استانا

ساعات 09.30-دا نازاربايەۆ ۋنيۆەرسيتەتىندە «اگرارلىق عىلىم. بولاشاق بۇگىننەن باستالادى» پىكىرتالاس الاڭىندا جيىن وتەدى.

ساعات 10.00-دە «قازاق ونەرىنىڭ انتولوگياسى» جوباسى نەگىزىندە جارىق كورگەن جاڭا كىتاپتاردىڭ تۇساۋكەسەرى وتەدى. ءىس- شارا بارىسىندا مىرزاتاي جولداسبەكوۆتىڭ «ويتولعاۋ»، ءالقۋات قازاقبايەۆتىڭ «قورقىت اتا اڭىزدارى مەن كۇيلەرى»، «قالىڭ قازاقتىڭ قادىرلىسى»، «شەشەندىك ونەر» (VIII- IX توم) كىتاپتارى تانىستىرىلادى.

ساعات 10.00-دە «استانا- حاب» IT- ستارتاپتاردىڭ حالىقارالىق تەحنوپاركىندە « IT- ورتالىقتارى - ءبىلىمنىڭ جەتەلەۋشىلەرى» حاكاتونى باستالادى.

ساعات 11.00-دە سەناتتا قازاقستان رەسپۋبليكاسى پارلامەنتى سەناتىنىڭ جانىنداعى جەرگىلىكتى وكىلدى ورگاندارمەن ءوزارا ءىس- قيمىل جونىندەگى كەڭەستىڭ وتىرىسى وتەدى.

ساعات 11.00-دە استانا قالاسى اكىمدىگىنىڭ باسپا ءسوز ورتالىعىندا «استانا قالاسىنىڭ قوعامدىق كولىك جۇيەسىن دامىتۋ» تاقىرىبىندا باسپا ءسوز بريفينگى وتەدى.

ساعات 11.00-دە استانا قالاسى تجد- دا مەرەكەلىك ءىس- شارالاردى وتكىزۋ كەزىندەگى ءورت قاۋىپسىزدىگى جانە پيروتەحنيكالىق بۇيىمداردى پايدالانۋ قاعيدالارىن ساقتاۋ تۋرالى بريفينگ وتەدى.

ساعات 12.20-دا و ك ق- دا ەنەرگەتيكا ۆيتسە- ءمينيسترى ك. س. ەسىمحانوۆتىڭ قاتىسۋىمەن بريفينگ باستالادى.

ساعات 16.20-دا ورتالىق كوممۋنيكاتسيالار قىزمەتىندە «2018 -جىلى قازاقستاندىقتارعا 7-20-25 بويىنشا 45 ميلليارد تەڭگە يپوتەكا بەرىلدى» اتتى باسپا ءسوز ءماسليحاتى وتەدى.

ساعات 17.00-دا «نۇر وتان» پارتياسىنىڭ استانا قالالىق فيليالىنىڭ وكىلدەرى «مەكتەپ اسحانالارى» پارتيالىق جوباسى اياسىندا №59- مەكتەپ- ليتسەيدىڭ اسحاناسىن تەكسەرەدى.

الماتى

ساعات 10.00-دە جازۋشىلار وداعىنىڭ عيماراتىندا پرەزيدەنتتىڭ «ۇلى دالانىڭ جەتى قىرى» اتتى ماقالاسىن تالقىلاۋعا ارنالعان پلەنارلىق وتىرىس وتەدى.

ساعات 14.00-دە «قازاقستان قور بيرجاسى» ا ق (KASE) جەكە ينۆەستورلار ءۇشىن «قور نارىعىندا ساۋدا جاساۋ» تاقىرىبىندا سەمينار- ترەنينگ وتكىزەدى.

ساعات 19.00-دە الماتى Arena كوپ فۋنكسيونالدى كەشەنىندە ارالاس جەكپە- جەكتىڭ ءىرى حالىقارالىق «Titan FC 51» م م ا تۋرنيرى وتەدى.

قىزىلوردا

ساعات 11.00-دە قىزىلوردا وبلىستىق ن. بەكەجانوۆ اتىنداعى دراما تەاترىندا قازاقستاننىڭ ەڭبەك سىڭىرگەن ءارتيسى ءاليا ارىسباي قىزىنىڭ 70 جىلدىعىنا ارنالعان ەسكە الۋ كەشى وتەدى.

تۇركىستان

ساعات 09.20-دا وبلىستىق اكىمدىك عيماراتىندا ق ر پرەمەر-ءمينيسترىنىڭ ءبىرىنشى ورىنباسارى ا. ءماميننىڭ قاتىسۋىمەن تۇركىستان قالاسىن دامىتۋ بويىنشا جيىن وتەدى.

شىمكەنت

ساعات 10.00-دە «نۇر وتان» پارتياسىنىڭ شىمكەنت قالالىق فيليالىنا قاراستى كاسىپكەرلىكتى قولداۋ جونىندەگى قوعامدىق كەڭەس «Shymkent» ا ك ك» ا ق- پەن بىرلەسىپ «بيزنەس- جاستار» كەزدەسۋىن ۇيىمداستىرادى. ءىس-شارانىڭ ماقساتى - شىمكەنت قالاسىنىڭ جاستار جانە شىعارماشىلىق (كرەاتيۆتى) كاسىپكەرلىكتى قولداۋ.

كاسىپكەرلەر مەن كومپانيا باسشىلارى (سونىڭ ىشىندە قوعامدىق كەڭەس مۇشەلەرى) جاڭادان باستاعان كاسىپكەرلەردى ءارى قاراي دامىتۋ جانە قولداۋ كورسەتۋ تۋرالى ءوز يدەيالارىمەن جانە جوسپارلارىمەن بولىسەدى. كرەاتيۆتى يندۋستريا مەن كرەاتيۆتى ويلاۋدى دامىتۋ سياقتى، ەكونوميكا سالاسىنداعى ەڭ وزەكتى دۇنيەلەر قوزعالاتىن بولادى.