ءۇندىستاندا 21 ميلليون قىز «كەرەك ەمەس» بولىپ تانىلدى
ياعني سونشالىقتى قىزدىڭ ورنىنا اتا- انالارى ۇل بالا بولۋىن قالايدى، دەپ حابارلايدى Вaq.kz اقپارات اگەنتتىگى bbc باسىلىمىنا سىلتەمە جاساپ.
قارجى مينيسترلىگىنىڭ ەسەبىنە سايكەس، ءۇندىستانداعى كوپ جۇپ ۇل تۋعانشا دۇنيەگە بالا اكەلە بەرگەن. بۇل وتباسىلاردىڭ ۇلدى بولۋداعى قالاۋىن كورسەتەدى. تەك كوپ قىز تۋا بەرسە، قىزدارعا ارنالعان رەسۋرستاردىڭ ازايىپ قالۋىنا اكەپ سوعۋى مۇمكىن.
ۆەدومستۆو بەرگەن اقپاراتقا سۇيەنسەك، ءۇندىستاندا 63 ميلليون ايەل «ءىز-ءتۇسسىز جوعالعان». ويتكەنى، ۇلدى بولعىسى كەلگەندەردىڭ كوبىسى ابورت جاساتقان. ياعني، اتا-انالار 63 ميلليون قىز بالانى تۋماي جاتىپ الدىرتىپ تاستاعان.
ءۇندىستاندا بالا دۇنيەگە كەلمەي جاتىپ، ونىڭ جىنىسىن انىقتاۋعا زاڭمەن تىيىم سالىنادى. ءبىراق بۇل زاڭدى بۇزىپ جاتقاندار بار جانە اتا-اناسى جاتىرداعى بالانىڭ قىز ەكەنىن بىلسە، ابورت جاساتۋى مۇمكىن.
