نازاربايەۆ بيىل 21 ەلگە ساپارمەن باردى
بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ەلىمىزدىڭ سىرتقى ىستەر ءمينيسترى ەرلان ىدىرىسوۆ ءمالىم ەتتى، دەپ حابارلايدى قازاقپارات.
«ءوتىپ بارا جاتقان جىل مەملەكەت باسشىسىنىڭ شەت ەلدەرگە ناتيجەلى ساپارلارىنا جانە ءبىزدىڭ ەلىمىزدە جوعارى دەڭگەيدەگى ساپارلارعا تولى بولدى. 2016 -جىلى مەملەكەت باسشىسى 21 شەتەلدىك ساپار جاساپ، شەتەلدىك مەملەكەتتەردىڭ، ۇكىمەتتەردىڭ جانە حالىقارالىق ۇيىمداردىڭ 15 باسشىسىن قابىلدادى. جىل باسىنان بەرى جالپى 49 حالىقارالىق شارا مەن 81 ەكىجاقتى ساپار ءوتتى»، - دەدى ىدىرىسوۆ.
ءمينيستردىڭ اتاپ وتۋىنشە، ءوتىپ بارا جاتقان جىلدىڭ ىشىندە شەتەلدە ساۋدا- ەكونوميكالىق جانە ينۆەستيتسيالىق تاقىرىپتاردى قامتىعان 300 دەن استام شارا ۇيىمداستىرىلعان. ولاردىڭ قاتارىندا ەكونوميكا كۇندەرى، بيزنەس فورۋمدار، دوڭگەلەك ۇستەلدەر سىندى شارالار بار. «قازاقستانعا شەتەلدىك ەلدەردىڭ ىسكەرلىك جانە ەكونوميكالىق ورتالارى وكىلدەرىنىڭ 600 دەن استام ساپارى ورىن الدى»، - دەدى ول.
