08:51, 29 - تامىز 2016 | GMT +6
ق ر پرەزيدەنتىنىڭ «الەم. 21- عاسىر» مانيفەستى اسا جوعارى قىزىعۋشىلىق تۋعىزادى - سۋراكيات ساتيراتاي
استانا. قازاقپارات - استانادا وتەتىن «يادرولىق قارۋسىز الەم قۇرۋ» اتتى حالىقارالىق كونفەرەنسيا وتە ماڭىزدى جانە دەر كەزىندەگى كونفەرەنتسيا بولىپ تابىلادى.
بۇنداي پىكىردى ازياداعى بەيبىتشىلىك جانە كەلىسىم كەڭەسىنىڭ ءتوراعاسى، تايلاندتىڭ بۇرىنعى پرەمەر-ءمينيسترىنىڭ ورىنباسارى - سىرتقى ىستەر ءمينيسترى پروفەسسور سۋراكيات ساتيراتاي ءبىلدىردى.
«مەن 2016-جىلعى 28-29- تامىزدا استانا قالاسىندا وتەتىن جانە يادرولىق سىناقتارعا قارسى حالىقارالىق كۇنىنە سايكەس كەلەتىن «يادرولىق قارۋسىز الەم قۇرۋ» اتتى حالىقارالىق كونفەرەنتسيا جۇمىسىنا قاتىسۋعا شاقىرۋ قۇرمەتىنە يە بولىپ وتىرمىن.
بۇل وتە ماڭىزدى جانە دەر كەزىندەگى كونفەرەنتسيا بولىپ تابىلادى. سونداي-اق، قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ «الەم. XXI عاسىر» مانيفەستى اسا جوعارى قىزىعۋشىلىق تۋعىزادى»، - دەدى ول.