ريو وليمپياداسىندا وڭتۇستىك قازاقستاننان 21 سپورتشى سىنعا تۇسەدى
وبلىس اكىمىنىڭ باسپا ءسوز قىزمەتىنىڭ حابارلاۋىنشا، كەزدەسۋدە تاراپتار 5 -تامىز كۇنى برازيليانىڭ ريو- دە- جانەيرو قالاسىندا جالاۋى كوتەرىلەتىن جازعى وليمپيادا ويىندارىندا وڭتۇستىكتىڭ عانا ەمەس، بۇكىل ەلىمىزدىڭ نامىسىن قورعايتىن سپورتشىلار جايىن تالقىلادى.
وڭىرلىك سپورتشىلارىنىڭ دايىندىعى تۋرالى بايانداپ، ءبىرقاتار سايىپقىراندارىمىزدىڭ كەيبىر سپورت تۇرلەرى بويىنشا لاتىن امەريكاسىندا دايىندىعىن پىسىقتاپ جاتقانىن ايتقان باسقارما باسشىسى ءوزى باستاعان دەلەگاتسيانىڭ 2 -تامىز كۇنى، كەشكىسىن جولعا شىعاتىنىن جەتكىزدى.
ءوز كەزەگىندە، وبلىس اكىمى بايراقتى باسەكەدە سپورتشىلارىمىزدىڭ جۇلدىزى جاناتىنىنا سەنىم ءبىلدىرىپ، جەرلەستەرىمىزگە ساتتىلىك تىلەدى.
ايتا كەتكەن ءجون، ريودا وتەتىن جازعى وليمپيادا ويىندارىندا وڭتۇستىك قازاقستان وبلىسىنىڭ اتىنان 21 سپورتشى سىنعا تۇسەتىن بولادى. وليمپيادالىق ارەناعا العاشقى بولىپ دزيۋدوشىلارىمىز شىعادى دەپ كۇتىلۋدە.
