20:46, 30 - ماۋسىم 2016 | GMT +6
قازاقستان 21 -عاسىرداعى ادامزاتقا تونگەن سىن- قاتەرلەردى جويۋعا ءوزىنىڭ سالماقتى ۇلەسىن قوسۋدى جالعاستىرا بەرەدى
استانا. قازاقپارات - قازاقستاننىڭ كاسىپكەرلەر فورۋمى ەل پرەزيدەنتى نۇرسۇلتان نازاربايەۆتى جانە بارلىق قازاقستان حالقىن ەلىمىزدىڭ ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىمەن قۇتتىقتادى.
قۇتتىقتاۋدا بۇل شەشىمنىڭ ەلباسى ن. نازاربايەۆتىڭ بەيبىتشىلىك پەن يادرولىق قارۋسىز الەم قۇرۋ سالاسىنداعى باستامالارى مەن تۇراقتى ساياساتىنىڭ جاھاندىق قوعامداستىق تارابىنان جوعارى باعا الۋى ەكەندىگى باسا ايتىلعان.
«ب ۇ ۇ قاۋىپسىزدىك كەڭەسىنىڭ جۇمىسىنا قاتىسۋ قازاقستاندى جاھاندىق دامۋ ماسەلەلەرىنىڭ ەڭ جوعارى دەڭگەيدە تالقىلانۋىنا جانە شەشىلۋىنە ات سالىسۋعا اكەلەدى. قازاقستان بۇۇ قاۋىپسىزدىك كەڭەسى جۇمىسى بارىسىندا 21 -عاسىرداعى ادامزاتقا تونگەن الەمدىك سىن- قاتەرلەردى جويۋعا ءوزىنىڭ سالماقتى ۇلەسىن قوسۋدى جالعاستىرا بەرەرىنە سەنىمدىمىز»، - دەپ اتاپ وتەدى قازاقستاننىڭ كاسىپكەرلەر فورۋمى.