01:58, 02 - ماۋسىم 2016 | GMT +5
اقتوبەلىك 21 جاستاعى بويجەتكەن ەليزاۆەتا حانشايىمنىڭ تويىنا قاتىسادى - فوتو
استانا. قازاقپارات - گرينۆيچ ۋنيۆەرسيتەتىندە قارجىگەر ماماندىعى بويىنشا ءبىلىم الىپ جۇرگەن 21 جاستاعى اقتوبەلىك ايگەرىم ءيسماعۇلوۆا ІІ ەليزاۆەتانىڭ مەرەيتويىنا شاقىرتۋ الدى.
بۇل تۋرالى aktobenews.kz حابارلايدى.
حانشايىمنىڭ 90 جىلدىعى ءۇش كۇن بويى تويلانادى. اتالعان سالتاناتتى شاراعا قاتىسۋ ءۇشىن شەكتەۋلى بيلەتتەر ويناتىلعان بولاتىن. سولاردىڭ ءبىرى ايگەرىمگە بۇيىرعان.
«بيلەت العان كەزىمدە مەن سويلەي الماي قالدىم. بۇل بيلەتتى ساتىپ الۋدىڭ ءوزى مۇمكىن ەمەس. بۇل وتە سيرەك كەزدەسەتىن ساتتىلىك»، - دەيدى ايگەرىم.
بيىل 90 جاسقا تولعان ەليزاۆەتا حانشايىمنىڭ تويىنا لوردتار، ەلتون دجون، دەۆيد بەكحەم سىندى تانىمال تۇلعالار قاتىسادى.
