س. قارتويەۆ: «الەم. 21- عاسىر» مانيفەسى باعدارلاماسى يادرولىق قارۋدىڭ تارالۋىنا تۇساۋ سالادى
بۇگىن «كەمەل ەل» جوباسىنىڭ اياسىندا جاستارمەن كەزدەسكەن «نەۆادا-سەمەي» يادروعا قارسى حالىقارالىق قوزعالىستىڭ ۆيتسە-پرەزيدەنتى سۇلتان قارتويەۆ وسىنداي ويىن جەتكىزدى.
ونىڭ ايتۋىنشا، 1990-جىلداردىڭ باسىندا الەمدەگى كوپتەگەن پوليگوندار جابىلدى، دەگەنمەن ولاردان كەلگەن زالالدىڭ ىزعارى ءالى بار. ءتىپتى، 2006, 2009, 2013, 2016-جىلدارى يادرولىق سىناق دايىنداعان سولتۇستىك كورەيا سياقتى يادرولىق دەرجاۆالار پايدا بولعان.
«يادرولىق قارۋدىڭ قاۋىپى بار. سوندىقتان، پرەزيدەنتتىڭ باعدارلاماسى - يادرولىق قارۋدىڭ شيپاسى دەۋگە بولادى. ەڭ باستىسى، ن. نازاربايەۆتىڭ باعدارلاماسى يادرولىق قارۋدىڭ دامۋىنا تۇساۋ سالادى. باعدارلامانىڭ بىرنەشە ءبولىمى بار، ءبىرىنشىسى - يادرولىق قارۋدان ادا ايماقتار قۇرۋ، ەكىنشى باعىتى - شيەلەنىستەردى بەيبىت جولمەن شەشۋ، ءۇشىنشىسى - يادرولىق، حيميالىق قارۋدان باس تارتۋ جانە يادرولىق قارۋعا قارسى جاھاندىق قوزعالىس قۇرۋ»، - دەدى س. قارتويەۆ.
ايتا كەتەيىك، ب ۇ ۇ- نىڭ باس سەسسياسىندا ن. نازاربايەۆ الەم ەلدەرىنە اسكەري بيۋدجەتىنىڭ 1 پايىزىن كەدەي ەلدەردىڭ الەۋمەتتىك ماسەلەسىن شەشۋگە جۇمساۋ كەرەكتىگىن ايتقان ەدى. جىل سايىن الەم بويىنشا جىل سايىن 1 تريلليون 700 ميلليارد دوللار قارۋ-جاراقپەن قامتۋعا جۇمسالادى.
اۆتور: كەنجەكەي توقتامۇرات قىزى
