ماجىلىستە كاتار دەلەگاتسياسى باسشىسىنا «الەم. 21- عاسىر» مانيفەسى تابىس ەتىلدى

استانا. قازاقپارات - بۇگىن ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ ءتوراعاسى گلەب شەگەلسكي كاتار مۋنيتسيپاليتەت جانە قورشاعان ورتانى قورعاۋ ءمينيسترى مۇحامماد ابدۋللاح ال رۋمايحي باستاعان دەلەگاتسيانى قابىلدادى.

كەزدەسۋگە ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى باقىتجان ەرتايەۆ تا قاتىستى. بۇل تۋرالى پالاتانىڭ باسپا ءسوز قىزمەتىنەن حابارلاندى.

جۇزدەسۋدە تاراپتار قازاقستان مەن كاتار اراسىنداعى ەكىجاقتى ىنتىماقتاستىق ماسەلەلەرىن تالقىلاپ، ءوزارا بايلانىستاردىڭ الداعى ۋاقىتتا نىعايا تۇسەتىنىنە سەنىم ءبىلدىردى. اڭگىمە بارىسىندا دەلەگاتسيا باسشىسى ەكى مەملەكەت اراسىنداعى ىنتىماقتاستىق بارلىق سالادا جوعارى دەڭگەيدە ەكەنىن اتاپ ءوتتى.

ءوز كەزەگىندە كوميتەت ءتوراعاسى گ. شەگەلسكي دەلەگاتسيا مۇشەلەرىن قورشاعان ورتانى قورعاۋ سالاسىندا اتقارىلىپ جاتقان جۇمىستارمەن تانىستىرا كەلىپ، قازاقستاننىڭ «جاسىل ەكونوميكاعا» كوشۋ تۇجىرىمداماسىن ءسوز ەتتى. ونىڭ ايتۋىنشا، ق ر پرەزيدەنتى جاقىندا عانا «جاسىل ەكونوميكاعا» كوشۋ ماسەلەلەرىن قامتىعان زاڭعا قول قويعان بولاتىن. اڭگىمە اراسىندا ءماجىلىس دەپۋتاتى كاتار ەلىنىڭ كەلەر جىلى استانادا وتەتىن «ەكسپو-2017» حالىقارالىق كورمەسىنە بەلسەنە قاتىساتىندىعىنا سەنىم ءبىلدىردى.

سونىمەن قاتار، ءماجىلىس دەپۋتاتى گ. شەگەلسكي ەلباسىنىڭ حالىقارالىق ارەناداعى ماڭىزدى باستامالارىن ايتا كەلە، دەلەگاتسيا جەتەكشىسىنە «الەم. XXI عاسىر» مانيفەسىن تابىس ەتتى.

ەسكە سالا كەتەيىك، اعىمداعى جىلى ۆاشينگتون قالاسىندا وتكەن IV يادرولىق قاۋىپسىزدىك سامميتىندە ق ر پرەزيدەنتى نۇرسۇلتان نازاربايەۆتىڭ «الەم. XXI عاسىر» مانيفەسى جاريا ەتىلىپ، ول ب ۇ ۇ باس اسسامبلەياسىنىڭ جانە قاۋىپسىزدىك كەڭەسىنىڭ رەسمي قۇجاتى مارتەبەسىن العان بولاتىن.

اۆتور: قانات مامەتقازى ۇلى