08:13, 28 - ءساۋىر 2016 | GMT +5
قانات يسلام 21- جەكپە- جەگىنە دايىندىق ۇستىندە - كەسكىن
استانا. قازاقپارات - قانات يسلامنىڭ 21- جەكپە- جەگى 8 - مامىر كۇنى وتەدى. بوكسشى قازىر ا ق ش- تا جاتتىعۋ جاساپ، كەزدەسۋگە قىزۋ دايىندالىپ ءجۇر،
دەپ جازادى oishogyr.kz.
«كوڭىل كۇيىم كەرەمەت. قازىر جارىسقا قىزۋ دايىندىق ءجۇرىپ جاتىر. بۇل جولعى قارسىلاسىم - كولۋمبيالىق حۋان دە انحەل. وسى ۋاقىتقا دەيىن 18 كەزدەسۋ وتكىزگەن تاجىريبەلى بوكسشى. وزىندىك ءستيلى بار. مەن ەشقانداي قارسىلاسىمدى وسال دەپ ەسەپتەمەيمىن. ءار كەزدەسۋىمە بار كۇشىمدى سالىپ دايىندالامىن. سەبەبى بۇل - بوكس. بوكستا دايىندىقسىز جەڭىس بولمايدى. اللا بۇيىرتسا، جۇدىرىقتاساتىن ءساتتى اسىعا كۇتىپ ءجۇرمىن. قازاق ەلىنە تاعى دا ءبىر جەڭىس سىيلاپ، ەل ابىرويىن اسقاقتاتۋ مەن ءۇشىن ۇلكەن قۋانىش»، - دەيدى قانات يسلام. ەل مەرەيىن اسقاقتاتىپ جۇرگەن نامىستى ۇلعا ءبىز دە جەڭىس تىلەيمىز.
