ت. قاسەنوۆ: «الەم. 21 عاسىر» مانيفەسى كەلەشەك ۇرپاقتىڭ بەيبىت ومىرىنە ۇندەۋ
«ەلباسى جاھاندىق يادرولىق سامميتتە ءسوز سويلەۋ بارىسىندا الەمدىك كوشباسشىلارعا حالىق الدىنداعى جاۋاپكەرشىلىكتى ەسكەرتىپ، جان-جاقتى ويلاستىرىلعان، تەرەڭ ماعىنالى قۇجات ۇسىندى. ەل پرەزيدەنتىنە العىسىم شەكسىز. ول ەر ازامات رەتىندە دە، مەملەكەتتىك كوشباسشى رەتىندە دە بارلىق جاۋاپكەرشىلىكتى جانە باسىمدىق جولىندا ءوز قامىن كۇيتتەگەن كۇرەستەگى اسكەري ويىنداردىڭ بارلىق سالدارىن جاقسى تۇسىنەدى.
نۇرسۇلتان ءابىش ۇلىنىڭ مانيفەسى الەم جۇرتشىلىعى مەن ەل كوشباسشىلارىن جاپپاي قىرىپ-جويۋ قارۋىنىڭ سانىن ەڭ تومەن دەڭگەيگە دەيىن قىسقارتا وتىرىپ، بارلىق سوعىس قاقتىعىستارىن شەشۋدىڭ وركەنيەتتى ديالوگىن قۇرۋعا ۇندەيدى. ول مەملەكەتتەردىڭ جاھاندىق كاوليتسياسىن قۇرۋ، ب ۇ ۇ كونفەرەنتسياسى قىزمەتىنىڭ قارۋسىزدانۋ بويىنشا جاڭا ستراتەگياسىن وڭدەۋ باستامالارىن ۇسىندى. ول 2045 جاھاندىق ستراتەگيالىق باستاما جوسپارى مەن سوعىس پەن قاقتىعىستاردىڭ ءتۇپ تامىرىن جويۋ بويىنشا جوسپار ازىرلەپ قابىلداۋدى ۇسىندى.
ءبىز، قازاقستان باسقا ەلدەردەن بولەكتەنىپ ءومىر سۇرە المايمىز، الەم جاھاندىق سيپاتقا يە. قازاقستاننىڭ بارلىق الدىڭعى يادروعا قارسى باستامالارى جەردەگى بەيبىت ءومىردى ساقتاۋ جولىنداعى ءبىزدىڭ ەل كوشباسشىسىنىڭ جاڭا ۇسىنىستارىمەن تىعىز بايلانىستى»، - دەپ ءسوزىن تۇيىندەدى ب. قاسەنوۆ.
