ق. توقايەۆ ازەربايجان پرەزيدەنتىنە «الەم. 21- عاسىر» مانيفەسىنىڭ ءماتىنىن تابىس ەتتى
ساپار اياسىندا سەنات ءتوراعاسى ازەربايجان پرەزيدەنتى يلحام اليەۆپەن كەزدەستى.
ق. توقايەۆ ازەربايجان باسشىسىن ب ۇ ۇ وركەنيەتتەر ءاليانسى «ينكليۋزيۆتى قوعامداردا قاتار ءومىر ءسۇرۋ: قاتەر مەن ماقسات» تاقىرىبىنداعى جاھاندىق فورۋمىن وتكىزۋىمەن قۇتتىقتادى. سەنات باسشىسى ازەربايجان جەتەكشىسىنە قارۋلى قاقتىعىستار مەن سوعىستاردى تۇبىرىنەن جويۋدى تولىق قامتيتىن باعدارلاماسىن ازىرلەۋ ۇسىنىلعان ن. نازاربايەۆتىڭ «الەم. 21- عاسىر» مانيفەسىنىڭ ءماتىنىن تابىس ەتتى.
پرەزيدەنت ي. اليەۆ فورۋمعا جوعارى دەڭگەيدە قاتىسقانى ءۇشىن قازاقستاندىق دەلەگاتسياعا العىسىن ءبىلدىردى جانە قازاقستان مەن ازەربايجان اراسىنداعى ءوزارا دوستىق قاتىناستاردى ودان ءارى نىعايتۋ جايىندا ايتتى. ول ازەربايجاندا كورنەكتى مەملەكەت قايراتكەر سانالاتىن پرەزيدەنت ن. نازاربايەۆقا ىزگى تىلەكتەستىگىن جولدادى.
