گ. ءابدىقالىقوۆا: «الەم. 21- عاسىر» مانيفەسى ۇلكەن حالىقارالىق رەزونانس تۋعىزدى
بۇل تۋرالى بۇگىن استانادا قازاقستان حالقى اسسامبلەياسى كەڭەسىنىڭ كەڭەيتىلگەن وتىرىسىندا ق ر مەملەكەتتىك حاتشىسى گۇلشارا ءابدىقالىقوۆا ءمالىم ەتتى.
«الەم. XXI عاسىر» مانيفەسى ادامزات تاعدىرىنا دەگەن شىن الاڭداۋشىلىقتان تۋعان بولاتىن. قۇجات - پاراديگما ۇلكەن حالىقارالىق رەزونانس تۋعىزدى جانە ب ۇ ۇ- نىڭ رەسمي قۇجاتتارىنىڭ قاتارىنا ەنگىزىلدى. مانيفەست مەملەكەت باسشىلارىن، الەم ەلدەرى مەن حالىقتارىن يادروسىز الەم ءۇشىن كۇرەستى جۇمىلا جۇرگىزۋدى ۇندەيدى»، - دەدى ول.
ونىڭ سوزىنشە، ن. نازاربايەۆتىڭ باستامالارى قازاقستاننىڭ ەگەمەندى ەل رەتىندە قالىپتاسقاندىعىن، كەمەلدەنە تۇسكەندىگىن اڭعارتادى. بۇل ەل ىشىندەگى بەيبىتشىلىك پەن كەلىسىم ساياساتىنىڭ جالعاسى ىسپەتتى. وسى بەيبىت سۇيگىش ساياساتى ارقىلى قازاقستان الەم حالىقتارىنىڭ سۇيىسپەنشىلىگىنە بولەنۋدە.
«قازاقستاننىڭ سىرتقى ساياساتىندا قولدانىپ وتىرعان قارىم-قاتىناستاردى دامىتۋى، كەلىسىم ارقىلى دامۋعا جول اشۋ نيەتى ونىڭ ىشكى ساياساتىنان دا كورىنەتىندىگىن بايقاۋ قيىن ەمەس»، - دەپ اتاپ ءوتتى مەملەكەتتىك حاتشى.
اۆتور: جاسۇلان جولدىبايەۆ
