ق ر پرەزيدەنتىنىڭ «الەم. 21-عاسىر» ۇندەۋىندە ايتىلعان باستامالارى وزەكتى جانە ۋاقىتىندا ايتىلعان - رەسەيلىك ساراپشى
مۇنداي پىكىرىمەن كاسىپكەرلەر مەن قوعامدىق ۇيىمداردىڭ ەكونوميكالىق ىنتىماقتاستىعىنىڭ ەۋرازيالىق قاۋىمداستىعىنىڭ پرەزيدەنتى يگور فيلكيەۆيچ ءبولىستى.
ساراپشىنىڭ سوزىنە قاراعاندا، ءبىزدىڭ الەم وسال. سوندىقتان جاھاندىق قاۋىپسىزدىككە جاعدايلار جاساۋ ءۇشىن حالىقارالىق قوعامداستىقتاردىڭ تالاپتارىن بىرىكتىرۋ قاجەت.
«وسىعان بايلانىستى نۇرسۇلتان نازاربايەۆتىڭ باستامالارى كەرەك جانە ولار ۋاقىتىندا ايتىلدى، - دەپ اتاپ ءوتتى ي. فيلكيەۆيچ، - قازاقستان پرەزيدەنتى بۇل شەكتەۋلەر ءىس جۇزىندە جۇزەگە اسپايدى دەپ دۇرىس اتاپ ءوتتى. قولدا بار قارۋ سانى ۇنەمى ارتىپ كەلەدى. جەردەگى ءاربىر بەسىنشى ادامدا اتاتىن قارۋ بار. بۇل الەم ءۇشىن قاۋىپتى».
ساراپشى ەلباسىنىڭ يادرولىق قارۋدان باس تارتىپ، سەمەي يادرولىق پوليگونىن جابۋ شەشىمىن جوعارى باعالادى.
ي. فيلكيەۆيچ ەلباسىنىڭ مانيفەسىندەگى يادرولىق قارۋدان باس تارتۋ جايىندا ايتىلعان تۇستارىنا كەڭىنەن توقتالدى.
ساراپشى ايتقانداي، جاپپاي قىرىپ-جويۋ قارۋىن پايدالانۋ ارقىلى لاڭكەستىك شابۋىل اسكەري نىساندارعا عانا ەمەس، سونىمەن بىرگە ازاماتتىق نىساندارعا جاسالۋ مۇمكىندىگىن ەسكەرىپ، مۇنى دۇرىس ءتۇسىنۋ كەرەكتىگىن ايتتى.
