م. بەكماعامبەتوۆ: «الەم. 21- عاسىر» مانيفەسى ەش كۇمانسىز بەيبىتشىلىككە دەگەن كوزقاراس
قازاقستان رەسپۋبليكاسى مەن ونىڭ باسشىسى نۇرسۇلتان ءابىش ۇلى نازاربايەۆ بەيبىتشىلىككە جانە مەملەكەتتەردىڭ ءوزارا ءتيىمدى ىنتىماقتاستىعىنا دەگەن ادالدىعىن بۇلجىماستان بەينەلەپ كەلەدى. «ەگەمەن قازاقستان» گازەتىنىڭ بۇگىنگى سانىندا قازاقستان رەسپۋبليكاسى ۇلتتىق ينجەنەرلىك اكادەمياسى كولىك جانە كولىك كوممۋنيكاتسيالارى بولىمشەسىنىڭ ءتوراعاسى، اكادەميك مۇرات بەكماعامبەتوۆ وسىنداي پىكىر بىلدىرگەن.
«قازاقستاندىقتاردىڭ كەڭ اۋقىمدى قولداۋىن پايدالانا وتىرىپ ءبىزدىڭ پرەزيدەنتىمىز جاپپاي قىرىپ- جوياتىن قارۋعا تىيىم سالۋ جانە ونى جويۋ، جاھاندىق جانە وڭىرلىك مەملەكەتارالىق پروبلەمالاردى شەشۋ ءۇشىن حالىقارالىق ءۇنقاتىسۋ الاڭىن قۇرۋ جولىندا وركەنيەتتى كۇرەس جۇرگىزىپ كەلەدى. ول ءۇشىن قازاقستان رەسپۋبليكاسىنىڭ يادرولىق قارۋعا يە بولۋدان ءوز ەركىمەن باس تارتۋىن، يادرولىق جانە باكتەريولوگيالىق قارۋلاردى سىناۋ جونىندەگى پوليگونداردى جابۋدى، ءتۇرلى حالىقارالىق داۋ- جانجالداردى رەتتەۋ ءۇشىن قازاقستاندىق الاڭدى ۇسىنۋدى ەسكە الساق تا جەتىپ جاتىر.
قازاقستان پرەزيدەنتىنىڭ الەم قاۋىمداستىعىنا جاڭا باستامامەن ءۇن قاتۋى - بۇگىندە الەمنىڭ كەشەگىگە قاراعاندا تۇراقتىلاۋ جانە قاۋىپسىزدەۋ بولماۋىنىڭ ايعاعى. باعدارلامادا كەلتىرىلگەن باستامالاردى جۇزەگە اسىرۋ ءۇشىن ىزگى نيەتتى بۇكىل ادامداردىڭ توپتاسقاندىعى قاجەت. وسىنى تۇسىنە وتىرىپ، اكادەميا عالىمدارى پرەزيدەنت نۇرسۇلتان نازاربايەۆتىڭ باستامالارىن جانە ول جۇرگىزىپ وتىرعان ساياساتتى تولىق قولدايدى»، - دەيدى م. بەكماعامبەتوۆ.
