قىرىمبەك كوشەربايەۆ قىزىلوردالىق 21 باتىر اناعا «التىن القا» تاپسىردى - فوتو
مەرەكەگە وراي وتكەن سالتاناتتى شارادا ايماق باسشىسى قىرىمبەك كوشەربايەۆ 21 التىن قۇرساقتى اناعا «التىن القا» تاقسا، 19 اناعا «كۇمىس القا» تاپسىردى.
- ءبىزدىڭ انالار مەن ارۋلار تەك وتباسىنىڭ عانا ۇيىتقىسى ەمەس، ولار بۇكىل قوعامدى العا سۇيرەيتىن، ەلدىڭ بىرلىگىن كۇشەيتەتىن، بەرەكەسىن مولايتاتىن اسا قۋاتتى قوزعاۋشى كۇش. سىر ەلىنىڭ سان- سالالى الەۋمەتتىك- ەكونوميكالىق ءومىرى مەن مەملەكەتتىك ساياساتىنىڭ بارلىق سالاسىندا بەلسەندى قىزمەت ەتىپ جۇرگەن ايەلدەر سونىڭ ايعاعى. قازاقستاننىڭ بۇگىنگى تولايىم تابىستارى، سىر ەلى جەتكەن جەڭىستەردىڭ بارلىعىندا ايەلدەر قاۋىمىنىڭ قولتاڭباسى بار. ولاي بولسا، بەيبىت تىرلىك پەن بەرەكەلى بىرلىكتىڭ، جارقىن بولاشاققا دەگەن سەنىمنىڭ ۇيىتقىسى بولىپ وتىرعان بارشا قىز- كەلىنشەكتەرگە، اپا- قارىنداستارىمىزعا، اياۋلى انالارىمىزعا شىنايى ريزاشىلىق بىلدىرەمىز. ءومىردىڭ ءنارىن دە، ءارىن دە كەلتىرىپ وتىرعان سىزدەرگە العىستان باسقا ايتارىمىز، جاقسىلىقتان باسقا تىلەرىمىز جوق، - دەدى وبلىس اكىمى ق. كوشەربايەۆ.
سونداي- اق، 11 جاسار ارۋجان بيسەنبايەۆا وبلىس اكىمىنىڭ «العىس حاتىمەن» ماراپاتتالدى. ايتا كەتەيىك، ارۋجان 11 -اقپان كۇنى ورتتەن ءوزىنىڭ ءۇش باۋىرىن قۇتقارىپ العان بولاتىن. ول وسى ەرلىگى ءۇشىن ق ر ىشكى ىستەر مينيسترلىگىنىڭ «توتەنشە جاعدايداعى ەرلىگى ءۇشىن» مەدالىمەن ماراپاتتالعان بولاتىن.
سالتاناتتى شارا اسەم اۋەن مەن مىڭ بۇرالعان بيشىلەردىڭ ونەرىمەن جالعاستى. بۇل كۇنى كورسەتىلگەن قۇرمەتتىڭ بارلىعى نازىكجاندىلارعا ارنالدى.
ايتا كەتەيىك، وسى كۇنى ءبىر قولىمەن بەىسىكتى، ءبىر قولىمەن الەمدى تەربەتكەن ءتۇرلى سالادا قاجىرلى ەڭبەك انالار مەن قوعامنىڭ دامۋىنا وزىندىك ۇلەس قوسىپ جۇرگەن قىز-كەلىنشەكتەردى وبلىس اكىمى ارنايى قابىلداپ كورسەتتى.
اۆتور: ەلۋباي اۋەزوۆ
