12:49, 13 - اقپان 2016 | GMT +5
پوۆەتكين - ۋايلدەر جەكپە-جەگى 21- مامىردا نيۋ-يوركتە ءوتۋى مۇمكىن
استانا. قازاقپارات - رەسەيلىك الەكساندر پوۆەتكيننىڭ مەن دۇنيەجۇزىلىك بوكس كەڭەسىنىڭ (WBC) نۇسقاسى بويىنشا اۋىر سالماقتاعى الەم چەمپيونى امەريكالىق دەونتەي ۋايلدەرمەن جەكپە-جەگى 21- مامىردا ءوتۋى مۇمكىن.
بۇل تۋرالى امەريكالىقتىڭ پروموۋتەرى لۋ ديبەللا مالىمدەدى، دەپ حابارلادى«رينگ- ت ۆ».
كەزدەسۋگە دايىندالۋ جۇمىستارى 2016-جىلى مامىردىڭ سوڭىندا جەكپە-جەك بولادى دەگەن ەسەپپەن جۇرگىزىلىپ جاتىر. جەكپە-جەك 21- مامىردا نيۋ-يوركتە «باركلي- سەنتر» ارەناسىندا ءوتۋى مۇمكىن.
WBC ەكى بوكسشىنىڭ وكىلدەرىن 26- اقپانعا دەيىن كەلىسىمگە كەلۋگە مىندەتتەدى. پوۆەتكين ВБС تيتۋلىنا مىندەتتى ۇمىتكەر، سوندىقتان ول ۋايلدەردىڭ كەلەسى قارسىلاسى بولۋى ءتيىس.
امەريكالىق 36 جەڭىسكە جەتكەن (35 نوكاۋتپەن)، جەڭىلىپ كورگەن ەمەس. پوۆەتكين 30 رەت باسىم ءتۇسىپ (22 نوكاۋتپەن)، ءبىر رەت ءسۇرىندى.
