07:44, 05 - قاڭتار 2016 | GMT +5
التى جىلدان سوڭ تابىلعان قويدان 21 كەلى ءجۇن قىرقىلدى - كەسكىن
استانا. قازاقپارات - اۆستراليادا ءبىر قوي 21 كەلى ءجۇن بەرگەن. شەيلا اتتى قوي وسىدان 6 جىل بۇرىن تاسمانيا شتاتىندا جوعالىپ كەتكەن، دەپ حابارلايدى kz/kz.
ونى جەرگىلىكتى تۇرعىنداردىڭ ءبىرى جول بويىنان تاۋىپ الىپتى. كۋاگەرلەردىڭ ايتۋىنشا، ءجۇنىنىڭ اۋىرلىعىنان، مالدىڭ جۇرۋگە شاماسى بولماسا كەرەك.
وسى ەلدە وتكەن جىلى دا وسىعان ۇقساس جاعداي بولعان ەدى. قىركۇيەكتىڭ باسىندا جوعالىپ كەتكەن كريس اتتى قوي بىرنەشە جىلدان كەيىن تابىلعان. ول كەزدە مالدان 41 كەلى ءجۇن قىرقىلىپ، بەيرەسمي رەكورد ورناتىلدى.
«باستاپقىدا قويدى ولەكسە دەپ ويلادىم. تىپىرلاماي جاتقان مالدىڭ كوزى جىپىلىقتاعانىن كورىپ، قاتتى قۋاندىم. كارىز قۇدىعىنىڭ اۋزىنا كەپتەتىلىپ جاتىر ەكەن. ءبىز ونى الىپ شىعىپ، تۇرعىزۋعا تىرىسىپ كوردىك»، دەپ ەسكە الادى جەرگىلىكتى تۇرعىن پيتر دجونس.
