الماتىدا «الدار كوسە 21- عاسىردا» كومەدياسىنىڭ تۇساۋى كەسىلدى - فوتو

الماتى. قازاقپارات - الماتىدا «الدار كوسە XXI عاسىردا» اتتى جاڭا جىلدىق كومەديانىڭ تۇساۋى كەسىلدى.

وسىلايشا، «Tengri media production» كينوكومپانياسى جاڭا جىل قارساڭىندا قازاقستاندىق كورەرمەندەرگە وسىنداي ەرەكشە سىيلىق ۇسىندى.

فيلمنىڭ سيۋجەتى بويىنشا الدار كوسە اياز اتانىڭ تاپسىرماسىمەن استاناعا بارادى. وندا ول مەدەت ەسىمدى اڭقاۋ دا ەپسىز كاسىپكەرگە كومەكتەسۋى ءتيىس. ويتكەنى، مەدەتتى سەرىكتەستەرى كوپ الدايدى، ال ەنەسى ىسىنە كەدەرگى جاسايدى. ءسويتىپ، الدار كوسە مەدەتكە كومەكتەسەدى.

ءتۇسىرۋشى توپتىڭ ايتۋىنشا، فيلمنىڭ بيۋدجەتى 100 مىڭ دوللار بولان. ال كارتينانىڭ ءوزى 1,5-ايدىڭ ىشىندە تۇسىرىلگەن. دەگەنمەن، قىسقا ۋاقىتتا ءتۇسىرىلۋى اكتەرلاردىڭ ويىنى مەن فيلمنىڭ ساپاسىنا كەرى اسەرىن تيگىزبەگەن.

فيلمدە مەدەتتى نۇرجان بەيسەنوۆ، الدار كوسەنى شىنىبەك راحماشەۆ سومداعان.

سونىمەن قاتار، فيلمگە فارحات ءابدرايىموۆ، قاراكوز تىلەۋبەكوۆا، وبيد اسوموۆ جانە دينا تاسبولاتوۆا سىندى اكتەرلار تۇسكەن.

«مەن نەگىزى بۇعان دەيىن تەك قازاق ءتىلدى فيلمدەرگە ءتۇسىپ كەلدىم. ال مىنا فيلم ورىس تىلىندە جاسالدى. بۇل مەن ءۇشىن ۇلكەن تاجىريبە بولدى. مەن الدار كوسەنى ورىنداپ شىقتىم. كەزىندە مەنىڭ ديپلومدىق جۇمىسىم دا وسى ءبىر كەيىپكەرمەن بايلانىستى بولعان ەدى. مەنىڭشە، قازىرگى الدار كوسە ءداستۇرلى وبرازدان وزگەشە. ول قازىر از الداپ، كوبىنەسە اقىل-كەڭەس ايتىپ، تىلەكتەس بولىپ جۇرەدى»، - دەدى جاس اكتەر شىنىبەك راحماشەۆ.

فيلمنىڭ قويۋشى رەجيسەرى - ءازىز ءومىرزاقوۆ. ول كينويندۋستريا سالاسىندا 16 جاسىندا كەلگەن ەكەن. سودان بەرى ءبىرقاتار وزبەك فيلمدەرىن تۇسىرگەن جانە رەسەيلىك سەريالداردا جۇمىس ىستەگەن.

بۇل ونىڭ قازاقستانداعى العاشقى كينوسى ەمەس. رەجيسەردىڭ ايتۋىنشا، ول «الىپ قاشۋ وپەراتسياسى» فيلمىنىڭ جاسالۋىنا دا قاتىسان ەكەن.

«الدار كوسە XXI عاسىردا» جاڭا جىلدىق كومەدياسى پروكاتقا ءبىر مەزەتتە استانا، الماتى، قوستاناي، پاۆلودار، اقتوبە جانە شىمكەنت قالالارىندا شىقتى.

        

 

اۆتور: جاپپاربەرگەن ايبوتا