الماتى وبلىسىندا 215 جاس ءوسپىرىم ۆاكسينا الدى

الماتى وبلىسىندا كوروناۆيرۋس ينفەكسياسىنا قارسى ۆاكسيناتسيا جۇرگىزۋ ءۇشىن 318 ەكپە كابينەتى ىسكە قوسىلعان. سونىمەن قاتار 76 جىلجىمالى پۋنكت بار. بۇگىنگى كۇنى كوروناۆيرۋس ينفەكسياسىنا قارسى ەكپەنىڭ ءبىرىنشى دوزاسىن العاندار سانى - 842433، بۇل ءتيىستى كونتينگەنتتىڭ %70 ى. ەكىنشى دوزاسىن العاندار، ياعني ۆاكسينالاۋدىڭ تولىق كۋرسىنان وتكەن تۇرعىندار سانى- 768160 ادام، ءتيىستى كونتينگەنتتىڭ %64 ى.

«قازىرگى ۋاقىتتا وبلىستا گام-كوۆيد-ۆاك سپۋتنيك-ۆ، Qaz Covid-in ، Sinopharm Vero Cell سەكىلدى ۆاكسينانىڭ 3 ءتۇرى قولدانىلۋدا. ودان بولەك الماتى وبلىسىندا 15-قاراشادان باستاپ جاسوسپىرىمدەر مەن جۇكتى جانە بالا ەمىزەتىن ايەلدەر اراسىندا ۆاكسيناتسيا باستالدى. جالپى وبلىسقا Comirnaty (Pfizer ) ۆاكسيناسىنىڭ 46800 دوزاسى كەلدى. بۇگىنگى كۇنى ۆاكسينا العان تۇرعىندار سانى - 240 ادام، ونىڭ ىشىندە 215 ى جاس ءوسپىرىم بالا، 3 جۇكتى جانە 22 لاكتاتسيا كەزىندەگى ايەل»، - دەلىنگەن الماتى وبلىستىق سانيتاريالىق- ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى تاراتقان حابارلامادا.

وبلىستاعى مەكتەپتەردە 338 جانە مەديتسينا ۇيىمدارىندا 272 ەكپە كابينەتى جۇمىس ىستەپ تۇر.

اۆتور: سامال قابىشەۆا