شەكارادان 215 قازدى ايداپ وتكىزبەك بولعان قازاقستاندىق ازامات ۇستالدى

 استانا. قازاقپارات - وتكەن تاۋلىك ىشىندە قازاقستاندىق شەكاراشىلار زاڭسىز تۇردە حالىق تۇتىناتىن تاۋارلاردى، 215 ءۇي قۇستارى - قازدى جانە 50 گرام گاشيشتى وتكىزبەك بولعانداردىڭ جولىن كەستى.

قازاق- قىرعىز شەكاراسىنداعى «سىپاتاي باتىر» (اۆتوموبيلدىك) وتكىزۋ- باقىلاۋ بەكەتىندە ءبىر قازاقستاندىق ازامات ۇستالدى. تەكسەرە كەلگەندە ونىڭ جالپى قۇنى 400 مىڭ تەڭگەنى قۇرايتىن حالىق تۇتىناتىن زاتتاردى زاڭسىز وتكىزۋگە ارەكەتتەنگەنى انىقتالدى.

 ءىس ماتەريالدارى جەرگىلىكتى كەدەن قىزمەتكەرلەرىنە بەرىلدى.

 سونداي- اق، «سىپاتاي باتىر» زاستاۆاسىنىڭ شەكاراسىندا ءۇي قۇستارى - 215 قازدى شۋ ارناسى ارقىلى زاڭسىز ايداپ وتكىزبەك بولعان تاعى ءبىر قازاقستاندىق ازامات قۇرىقتالدى.

وعان قاتىستى اكىمشىلىك- قۇقىق بۇزۋشىلىق كودەكسىنىڭ 391 - بابى 1 - تارماعى 1 - تارماقشاسى بويىنشا ايىپپۇل سالىندى (10 ايلىق ەسەپتىك كورسەتكىش) .

قازاقستاندىق- رەسەيلىك شەكاراداعى «جايساڭ» (تەمىرجولدىق) وتكىزۋ- باقىلاۋ بەكەتىنىڭ باقىلاۋشىلارى «الماتى - ورال» باعىتىنداعى جولاۋشىلار پويىزىنا شەكارالىق باقىلاۋ جاساۋ كەزىندە تامبۋرعا جاسىرىلعان 50 گرام گاشيش تاپتى.

اتالعان دەرەكتەر بويىنشا تەرگەۋ جۇمىستارى جۇرگىزىلۋدە، دەپ حابارلايدى ق ر  ۇ ق ك  ش ق باسپا ءسوز قىزمەتى.