اقمولا وبلىسىندا 214 وقۋشى «التىن بەلگىگە» ۇمىتكەر

كوكشەتاۋ. قازاقپارات - اقمولا وبلىسىندا مەكتەپ ءبىتىرۋشى 214 وقۋشى «التىن بەلگىگە» ۇمىتكەر.
None
None

بۇل تۋرالى ايماق باسشىسى مالىك ءمىرزاليننىڭ توراعالىعىمەن وتكەن اكىمدىك ماجىلىسىندە ايتىلدى، دەپ حابارلايدى «قازاقپارات» ح ا ا ءتىلشىسى.

ماجىلىستە ۇ ب ت جاڭا فورماتى بويىنشا تەستىلەۋ وتكىزۋگە دايىندىق ماسەلەسى پىسىقتالدى. وبلىستىق ءبىلىم باسقارماسىنىڭ باسشىسى، بالىم ءىزباساروۆانىڭ ايتۋىنشا، بيىل وڭىردەگى جالپى ءبىلىم بەرۋ ۇيىمدارىن 4331 تۇلەك ءبىتىرىپ، ونىڭ 3166 ۇ ب ت تاپسىرۋعا نيەت بىلدىرگەن. ال 214 ۇمىتكەر «التىن بەلگىگە» تىلەك ءبىلدىرىپ وتىرسا، 97 تۇلەك ۇزدىك اتتەستات الۋعا نيەتتى.

«بيىل تۇلەكتەردىڭ تەستىلەۋى اقمولا وبلىسى بويىنشا، 11 تەستىلەۋ بەكەتىندە وتكىزىلەدى، ونىڭ 8 ى وبلىس اۋماعىندا ورنالاسسا، 3 ى استانادا بولادى. سونداي-اق وسى جىلعى ۇ ب ت- نىڭ ەرەكشەلىگى بارلىق تۇلەككە تۇسىندىرىلگەن، بۇل تۇرعىدا ءتۇرلى سەمينارلار، اتا- انالارمەن كەزدەسۋ ۇيىمداستىرىلدى»، - دەپ اتاپ ءوتتى ب. ءىزباساروۆا.

بۇل تۇرعىدا وبلىس اكىمى، اسىرەسە شالعاي ەلدى مەكەندەردە تۇراتىن تۇلەكتەردىڭ ۇبت تاپسىرۋ ۋاقىتىندا قاجەتتى بارلىق جاعدايدى جاساۋدى تاپسىردى. ياعني ولاردىڭ كەلىپ- كەتۋى، جاتىن ورنى، تاماعى، اتا- انالاردىڭ كۇتۋ ورنىندا ەشقانداي ولقىلىق بولماي، جوعارى ۇيىمداستىرۋشىلىقپەن وتكىزۋدى جۇكتەدى. بۇدان باسقا كورشى ەلدەردىڭ ج و و تۇسۋگە نيەت تانىتقان تۇلەكتەرمەن، وقۋ ءتامامداعاننان كەيىن ايماققا ورالىپ جۇمىس جاساۋ تۋرالى تۇسىندىرمە جۇمىستارىن جۇرگىزۋدى دە مىندەتتەدى. ەسكە سالا كەتەيىك، بيىل تۇلەكتەر ۇ ب ت- نىڭ جاڭا فورماتى بويىنشا ەمتيحان تاپسىرادى.

ياعني مەكتەپ ەمتيحانىن تاپسىرادى، سودان كەيىن ج و و وقۋعا تۇسۋگە نيەت ەتكەندەر ۇ ب ت- دان وتەدى. وسى كۇنى وبلىس اكىمدىگىنىڭ ماجىلىسىندە، سۋ قويمالارىنداعى سانيتارلىق- ەپيدەميولوگيالىق جاعداي جانە ورمان ءورتىن الدىن- الۋ شارالارى دا تالقىلاندى.

اۆتور: اسلان وسپانوۆ

سوڭعى جاڭالىقتار