دجەفف بەزوستىڭ بايلىعى 212 ميلليارد دوللاردان استى
Amazon اكسيالارىنىڭ وسۋىنە بايلانىستى بەزوستىڭ بايلىعى 10,6 ميلليارد دوللارعا ءوسىپ، قازىر 212,4 ميلليارد دوللارعا باعالانىپ وتىر. اكسيالار ا ق ش قورعانىس مينيسترلىگى Microsoft كورپوراتسياسىمەن 10 ميلليارد دوللارلىق بۇلتتى سەرۆيستىك كەلىسىمشارتتان باس تارتتى دەگەن اقپاراتتىڭ اياسىندا جينالدى.
Amazon وكىلدەرى سوتتا بۇل كەلىسىمشارتقا قارسى بولدى. بەزوس Amazon-دى 1994 -جىلى قۇرعان جانە سايتتى ونلاين كىتاپ دۇكەنىنەن بۇكىل الەم بويىنشا تاۋارلار تاسىمالدايتىن ەڭ ءىرى ينتەرنەت- ساتۋشىعا اينالدىردى. وتكەن جىلدىڭ باسىندا بەزوستىڭ باسشىلىعىمەن Amazon-دىڭ نارىقتىق كاپيتالداۋى 1 تريلليون دوللاردان استى.
بەزوس 2017 -جىلدان باستاپ Bloomberg- ءتىڭ الەمدەگى ەڭ باي ادامدار تىزىمىندە ءبىرىنشى ورىنعا شىققان بولاتىن. ءبىراق 2021 -جىلدىڭ 7 - قاڭتارىندا ونى Tesla باس ديرەكتورى جانە SpaceX نەگىزىن قالاۋشى يلون ماسك 1,5 ميلليارد دوللارمەن باسىپ وزدى. ال اقپان ايىندا Amazon نەگىزىن قالاۋشى الەمدەگى ەڭ باي ادامدار رەيتينگىندە ءبىرىنشى ورنىن قالپىنا كەلتىردى، ويتكەنى ماسكتىڭ بايلىعى 4,58 ميلليارد دوللارعا تومەندەپ، 190 ميلليارد دوللاردى قۇراعان ەدى، بۇل كەزدە بەزوستىڭ بايلىعى 191 ميلليارد دوللارعا جەتتى.
