ەۋرووداقتا حالىق سانى 2100-جىلعا قاراي 27,3 ميلليونعا ازايادى

استانا. قازاقپارات - ەۋروپالىق وداق ۇلكەن دەموگرافيالىق وزگەرىستەردىڭ الدىندا تۇر، جاڭا بولجام بويىنشا، عاسىر سوڭىنا قاراي ونداعى حالىق سانى ايتارلىقتاي ازايادى. بۇل تۋرالى قازاقپارات Euronews-كە سىلتەمە جاساپ حابارلايدى.

ەۋروستات ەسەپبىنشە، 2100 -جىلعا قاراي حالىق سانى % 6- عا نەمەسە 27,3 ميلليون ادامعا قىسقارادى.

COVID-19 پاندەمياسىنان تۋىنداعان ەكى جىلدىق قۇلدىراۋدان كەيىن ە و حالقىنىڭ سانى 2022 -جىلى قالپىنا كەلە باستادى جانە اعىمداعى جىلدىڭ باسىندا 451 ميلليونعا جەتتى. بۇل ءوسىم نەگىزىنەن ۋكرايندىق بوسقىنداردىڭ جاپپاي اعىنىمەن بايلانىستى.

بولجام قۇرلىقتاعى تۋۋ، ءولىم جانە كوشى- قون دەرەكتەرى نەگىزىندە جاسالدى.

ە و ستاتيستيكا باسقارماسىنىڭ سوڭعى ەسەبىنە سايكەس، بلوكتاعى حالىق سانى 2026 -جىلى 453 ميلليونعا جەتىپ، 2100-جىلعا قاراي 420 ميلليونعا دەيىن ازايادى.

2100 -جىلعا ارنالعان دەموگرافيالىق پيراميدا قوعامنىڭ ازايىپ، قارتايۋىن بولجايدى. بالالاردىڭ، 20 جاسقا دەيىنگى جاستاردىڭ جانە ەڭبەككە قابىلەتتى ادامداردىڭ ۇلەسى كەمىپ، 65 جانە ودان جوعارى جاستاعى ادامداردىڭ ۇلەسى ارتادى.

2100 -جىلى 65 جانە ودان جوعارى جاستاعى ادامدار سانى 2022 -جىلعى 21 پايىزدان 32 پايىزدى قۇرايتىن بولادى.

دەموگرافيالىق پيراميدا قازىرگىگە قاراعاندا الدەقايدا كەڭىرەك كورىنەدى: 20 جاسقا دەيىنگىلەرگە قاراعاندا 80 جاستان اسقان ادامدار كوپ بولادى.

بۇل بولجامدار وسى جىلدىڭ باسىندا گازەت تاقىرىپتارىندا قىتايداعى حالىق سانىنىڭ التى ونجىلدىقتاعى العاشقى ازايۋى تۋرالى جازىلعاننان كەيىن جاسالعان.

2100-جىلعا قاراي ەو حالقىنىڭ بولجامدى تومەندەۋىنە قاراماستان، وعان كەيبىر مۇشە ەلدەردە حالىق سانىنىڭ كوشى- قون ارقىلى كوبەيۋى كۇتىلۋدە. بۇل - بەلگيا، چەحيا، دانيا، يرلانديا، فرانسيا، كيپر، ليۋكسەمبۋرگ، مالتا، نيدەرلاندى، اۆستريا، شۆەتسيا جانە يسلانديا.

اۆتور

زارينا تۋعانبايەۆا